٢٨\٨\٢٠١٢

    دوا پێک.

بورهان جۆڵا

زۆر حه‌یفه‌ گوڵم...
             که‌سێ نه‌هات و
سیما سپێده‌ و کزه‌بای به‌یانم
                   بناسێ،
ئه‌وه‌تا.. دڵی من
له ‌ئازاری چاوه‌ڕوانییدا
له ‌هه‌گبه‌ی قه‌رجێکی گه‌ڕۆکدا
                   ده‌تاسێ،
به‌ڵام زۆر حه‌یفه‌ گوڵم
             که‌سێ نه‌هات.

‌ئه‌و کاته‌ی هه‌تاویش چاوداده‌خات...
     خۆر له ‌ئاسۆدا پێده‌که‌نێ و
     زه‌رده‌خه‌نه‌ به ‌شه‌و ده‌سپێرێ،
شیعره‌کانی خه‌یاڵم
    ده‌خزێنه‌ نێو دوا پێکی ته‌نیایی و
روخساری ده‌روونیشم
               هه‌ر گه‌شتر ده‌نوێنێ
به‌ڵام زۆر حه‌یفه‌ گوڵم
                   که‌سێ نه‌هات.

٢٠١٢

burhan60jola@yahoo.com