۴\٨\٢٠١٠

     دواین شه‌وی دیدار .

محه‌مه‌د پاکژ

1

ئه‌زانم...
ئه‌مشه‌و دوا دیدارمانه ‌و..
سبه‌ینێ تامن له ‌خه‌وهه‌ڵده‌ستم،
تۆکۆڵ و بارت لێناوه ‌و ده‌رۆی.
ئه‌زانم ئیتر...
نه‌تاڵی لێوم ده‌که‌ی به‌ هه‌نگوین،
نه‌سه‌رت ده‌نێی به ‌سنگمه‌وه‌،
نه ‌فرمێسکێکی رژاوم ده‌خۆی.

2
ئه‌زانم...
ئه‌مشه‌و دوا دیدارمانه ‌و..
هه‌رچی یادگار و جێژوانمان هه‌یه‌
ده‌یخه‌یته‌ بنی جانتاکه‌ته‌وه‌ ،
تا له‌ جیاتی من بیاندوێنی
جانتاکه‌ت پره‌ ...
له‌ شووشه‌ بۆنی به‌تاڵ و مردوو،
به‌ڵام تۆ پرت کردوون له ‌یادگار...
هه‌ر بۆیه‌ گوڵم دڵت ناهێنێ
فرێیان بده‌ی.. بیانشکێنی.

3
ئه‌زانم...
ئه‌مشه‌و دوا دیدارمانه ‌و..
تاریکی شه‌وخۆی ده‌مانپارێزێ،
نه‌باداشه‌وه‌بمانفرێنێ،
سبه‌ینێ ده‌رۆی...
دوورتر له‌وه‌ی ده‌نگم بتگاتێ،
ئه‌وه‌ی یادگاری ئه‌م شه‌وه‌مانه‌ ..
ده‌بێته‌ رستێ پشکۆی ئاگر و
له‌ هه‌ر یادێکتا من ده‌سوتێنێ.

سلێمانی
ماڵپه‌ڕی محه‌مه‌د پاکژ