|
١٤\١٢\٢٠١٢
دوو کچ بە فیشەک
بریندار دەکرێن.
وەک زۆربەی تاوانە نامرۆییەکان دژ بە ژنان و
ئافرەتان و کچان، دووبارە سیناریۆی قیزەوەنی
پیاوان ئەنجامدرا.
ئیمڕۆ (ف. ع،
١٩ساڵ) دانیشتووی
ئاوایی (عالیاوە/ئیبراهیم عەلیان) و (ه. ک،
لەدایکبووی ١٩٧٦) بە
فیشەک بریندارکران.
قاچی چەپی (ف. ع) بە
سەختیی بریندارکراوە و هۆیەکە
"راوچی تەقەی کردووە" و (ه. ک) بە "بە
رێکەوت" لە کاتی پاککردنی چەک، فیشک
لە دەستی دەرچووە"!
ئێمە بە باشیی
ئاگادارین کە زۆربەی ئەم جۆرە رووداوانە (سوتاندن،
خۆخنکاندن بە گاز، "خۆ"هەڵواسین، "خۆ"بریندارکردن بە چەقۆ...
هتد) تاوانی کۆمەڵایەتین و ئەنجامدەرانی بە
ئازادیی هاتوچوو دەکەن.
ئێمە داوا لە دادگای و لایەنە پەیوەنددارەکان
دەکەین لێکۆڵینەوەی جددیی لە بارەیانەوە
بکەن.
لێژنەی ئاشتی و هیوا بۆ ئەنانا
|
