په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٤\٥\٢٠١٨

    دوو پارچە هۆنراوە بۆ منداڵان.


عەلی حەمەڕه‌شید   

    وانەی ''مام بارام''. 
ئای ئای چەند خۆشە و بەتام
بامێ و برمەی مـــام بارام
ئەمــــڕۆ لە قوتابخــانە
بوو بــە خـــــۆشترین وانە
مامۆستا وەکـــو یـــــاری
بۆی کردبووین بە دیـــاری
وانەیەکی بەســــوود بـوو
تێیدا بەشدار بووین ھەموو
مــام بـــارام دەیوت وەرن
دەی برمـــە و بـامێ بەرن
لە دوای شیرینی خـــواردن
ھەموو چووین بۆ دەست شتن
ئێمەی بچکۆلەش بەســـۆز
وتمان مامۆستای دڵســـۆز
سوپاس و دەستخــۆشی زۆر
بۆ تۆی دڵسۆز و خەمخـۆر.


٢٦\٤\٢٠١٨


  گۆرانییەک بۆ مانگ.
شەوێک دنیا تاریک بـــــوو
کۆبووبووینەوە ھــــــەموو
راوەستا بووین لەســـەر بان
ئەمانڕوانی بۆ ئاســـــمان
دوای کەمێک چــــاوەڕوانی
بۆی کەوتینە گـــــۆرانی
بە دەنگی بەرز پێکــــەوە
ئا بەو تاریکــــــە شەوە
گۆرانیمــــان بۆ مانگ بوو
بەڵکو دەربکـــــەوێت زوو
کەچی مانگ زوو ھەڵنەھات
یاریمان لەگەڵ بکـــــات
ئێمەش بــە چــــاوەڕوانی
لەیەکترمــــــان دەڕوانی
لەپڕ ھات بە شـــەوقەوە
دنیای روناک کـــــردەوە
ئیتر کەوتینە یـــــــاری
خەندە لە لێومان بـــاری.


١\٤\٢٠١٢
ماڵپەڕی عەلی حەمەڕەشید

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک