هیچ کەس مافی ئەوەی نییە سەرکوتی بیروباوەڕی تاکەکانی کۆمەڵ بکا، لێ ئەگەر خەڵکی کوردستان چ دیندارەکان چ بێ دینەکان هەر بەو شێوەیەی ئێستا رێ بە ئیسلامییە حیزبییەکانی وەک (بزووتنەوەی ئیسلامیی و کۆمەڵی ئیسلامیی و یەکگرتووی ئیسلامیی) و دەستە و رەوتە سەلەفیی و توندڕەوە تاریکپەرستە ئیسلامییەکانی دیکە بدەن کە تەنانەت لەو بێ هێزیی و لاوازییەی ئێستایاندا چەندەی لە توانایاندا هەیە بیروباوەڕی هەر کەسەک پێشێل دەکەن و سەرکوتی دەکەن کە لەگەڵ ئەواندا ناکۆکە و هیچ ماف و ئازادییەکیش بە نیوەی کۆمەڵ کە ژنانن بە رەوا نابین.. ئەوە لە ئایندەدا یان ئەو کاتەی هێز پەیدا دەکەن بە هەمان شێوەی داعشییەکان رەفتار دەکەن و هەمان ئەو کوشتوبڕ و کارەساتانە دووبارە دەکەنەوە کە داعشییەکان ئەنجامیان دەدەن! ئیدی ئەوانیش (دەوڵەتی ئیسلامیی لە کوردستان) رادەگەیەنن و چارەنووسی خەڵکی کوردستان زۆر لە ئێستای پڕ کارەساتتر دەکەن!