ئــه‌ژده‌ر؛ بۆ مـنداڵانى کــورد ده‌گه‌ڕێته‌وه‌ کوردستان.

زانا گه‌ڵاڵی

نه‌رویژ-

له‌سه‌ر بانگهێشتی رێکخراوێکی ئه‌ڵمانی تایبه‌ت به‌منداڵان و کۆمپانیای چوارچراو به‌مه‌به‌ستی به‌شداریکردن له‌فێستیڤاڵێک بۆ منداڵانی کورد رۆژى (28/5/2008) هونه‌رمه‌ندى گۆرانیبێژ ئه‌ژده‌ر وه‌هبـی ده‌گه‌ڕێته‌وه‌ کوردستان..

ده‌رباره‌ی ئه‌م سه‌فه‌ره‌ و کاروچالاکییه‌ هونه‌رییه‌کانی ئه‌ژده‌ر گوتی:

ئه‌م سه‌ردانه‌م به‌مه‌به‌ستی به‌شداریکردنه‌ له‌فێستیڤاڵى جه‌ژنی منداڵانی جیهاندا، که‌ وه‌ک میوان له‌سه‌ر بانگهێشتی ئه‌و رێکخراوه‌و کۆمپانیاى چوارچرایه‌.

هه‌روه‌ها ده‌رباره‌ی به‌رهه‌می تازه‌شی وتی:

دوا به‌رهه‌مم سیدییه‌که‌ که‌هێشتا ناوه‌که‌یم بۆ دیاری نه‌کردووه‌و له‌م سه‌فه‌ره‌مدا بۆ کوردستان هه‌وڵده‌ده‌م له‌گه‌ڵ کۆمپانیایه‌ک رێکبکه‌وم بۆ بڵاوکردنه‌وه‌ی، تا له‌ئاینده‌یه‌کی نزیکدا بڵاوبکرێته‌وه‌ که‌ له‌(14) گۆرانی پێکهاتووه‌.