ئه‌ژده‌ر وه‌هبی چه‌پکه‌ گوڵێکتان پێشکه‌ش ده‌کات.

زانا گه‌لاڵی    

لێم ببوره‌ ناو نیشانی تازه‌ترین ئه‌لبوومی هونه‌رمه‌ندی به‌توانا ( ئه‌ژده‌ر وه‌هبی ) ه‌ ئه‌م ئه‌لبوومه‌ له‌ ١٤ تراک پێکهاتووه‌ ، له‌ هۆنراوه‌ی هه‌ردوو شاعیری به‌توانا ( هه‌ردی نوری ، ئه‌دیب چلکی )ه‌ هۆنراوه‌یه‌کیش له‌لایه‌ن هونه‌رمه‌ند خۆی نووسراوه‌ .

ئاوازی دوو له‌ گۆرانییه‌کان ئه‌نۆنیۆمه‌ ‌و عارف شه‌کوریش به‌ دوو گۆرانی و ١٠ گۆرانیش له‌لایه‌ن هونه‌رمه‌ند خۆی ئاوازی بۆ دانراوه‌ .

ئاماده‌کردنی میوزیکی له‌لایه‌ن میوزیک ژه‌نانی به‌توانا فورات که‌زداڵ ، عارف شه‌کوری ، دیده‌ن توانا ئاماده‌کراوه‌ . وابڕیاره‌ له‌ ئاینده‌کی نزیک له‌لایه‌ن کۆمپانیای کۆره‌که‌وه‌ بڵاو بکرێته‌وه‌ .

سه‌باره‌ت به‌ زۆر خایه‌ندنی ماوه‌ی ئه‌لبوومی پێشوو له‌گه‌ڵ ئه‌م ئه‌لبوومه‌ که‌ بووه‌ هۆی چاوه‌ڕییکردنێکی زۆر ئاشقانی ده‌نگی هونه‌رمه‌ند له‌م باره‌یه‌وه‌ هونه‌رمه‌ند ئه‌ژده‌ر وه‌هبی ده‌ڵێت :

من نامه‌وێ هه‌موو ساڵێک کارێک بکه‌م دوای ٦ مانگ کاره‌که‌م کۆتایی بێ به‌ڵکوو به‌ ٢ تا ٣ ساڵ کارێک ده‌که‌م و به‌ڵام گرنگی و جێگه‌ی خۆی بگرێ نموونه‌شم ئه‌لبوومه‌که‌ی پێشوومه‌ که‌ تا ئێستا جێگه‌ی خۆی کردۆته‌وه‌ لای خه‌ڵکی خۆشه‌ویست که‌ ئه‌مه‌ جێی دڵخۆشکه‌ری منه‌ بێگومان ئه‌م ئه‌لبوومه‌م هه‌روه‌ک و ئه‌وه‌ی پێشتر جێگه‌ی خۆی ده‌‌گری و چاوه‌ڕوان بن به‌م زووانه‌ ئه‌ژده‌ر وه‌هبی چه‌پکه‌ گوڵێکتان پێشکه‌شده‌کات.

شایه‌نی باسه‌ به‌ پێی بۆ چوونی چه‌ندین که‌سی به‌تواناوه‌ ئه‌م ئه‌لبوومه‌ چاوه‌ڕێی با‌شترین ئه‌لبوومی سه‌رده‌می نوێ و هونه‌ری کوردی لێ ده‌کرێت و به‌م زووانه‌ بڵاو ده‌کرێته‌وه‌ .