|
١٥\٦\٢٠٢٢
(عەلی توڵابی)،
بالیۆزە نوێیەکەی ھونەری
کوردی بناسن.
هەڵۆ محەمەد
 دوای
ئەوەی یەک دوو ڤیدیۆی ئەم دەنگە ڕەسەنەی کورد و لوڕستانم بینی و بیست،
ئەم بەیانییە١-٢ کاتژمێرم بە گوێگرتن بەدیار تەواوی بەرھەمەکانییەوە
بەسەر برد... بێ دەسەڵات و بێ ئاگا لەخۆم چاوەکانم جۆگەلەی فرمێسکیان
بەست ( فرمێسک و گریانی خۆشی)... ئای لەو خەڵات و پاداشتە ڕۆحییە بەنرخ
و بەرزە!..
ئەم ھەڵکەوتووە، (عەلی توڵابی) لە ئیستاوە لێی دیارە
بالیۆزی گۆڕانی
کوردی داھاتوومان دەبێت...
دەنگێکی ئاوریشمی و دڵفڕین و کاریگەر، جوڵە و ڕەفتاری تژی لەکەسایەتی و
پێشکەشکردن.. شارەزا و باڵادەست لە ھونەرەکەیدا و رۆح شیرین و خۆشەویست
لە رووخساردا...
بنۆڕن.. لۆڕستان چۆناوچۆنی پێشوازی لە رۆڵەکەی دەکات!...
بنۆڕن.. ئەو خەڵکە چەند تینوویی ژیان و ھونەرە!
بنۆڕن.. دەبێت ئاوا کەسایەتی کوردی دروست بکرێ...
بەڵێ فەرشی سوور بۆ کاکە عەلی توڵابی داخەن و گوڵی گوڵزارەکان بچنن و
بچنە پێشوازی ئەم ڕۆڵە ھەڵکەوتووەی کورد و ھەموو دڵخۆش بن بە بوونی ئەم
دەنگە ڕەسەن و ھونەرمەندە بەتوانایە و بیکەنە قارەمانی ھونەریی کوردیی...
ئەم دەنگە ئەفسووناوییە، ئەم جریکە زێڕینە ڕەسەنە،لەرەی ژێ و قوڕگە پڕ
لرفە و شەپۆلەی دەنگ و ئاواز، نوێنەری ھونەر و کەلتوورێکی باڵای
دەوڵەمەندی کوردییە..
توڵابی ھونەری نەتەوەی کورد پێشکەش دەکات و خزمەتی دەکات ، دەبا ئێمە
شیعر و گۆرانی بڵێین، بۆ ئەم نەمانە تازە پێگەیشتووەی خۆمان! تا دەبێتە
پیرە دارگوێز و ڕەگ لە دڵی نیشتماندا دادەکوتێ، ڕەگوڕیشەیەک ، بە زوڵم
و زۆرداری ھەزاران داگیرکەر و دوژمن ھەڵنەکەندرێ و نەبڕێتەوە...
دەبا جۆشوخرۆشی زیاتری بە پشتیوانی و خۆشەویستی و ڕێزلێنان بخەینە
خزمەتەوە.. ئەو ئایندەیەکی گەشی دەبێت، گەر دەست و ھێز و نەخشەیەکی
دڵسۆزانە و کارامە و ھۆشیار و خەمخۆر پاڵپشتی بێت.
دە با بنۆڕینە نەتەوە زیندووەکانی ئەم جیھانە پانوبەرین و پێشکەوتووە و
لێیانەوە فێربین ، ئەوان چییان کردووە و چ دەکەن؟؟!! بۆ ھەڵکەوتوو و
بەھرەمەندەکانیان...
+ سڵاو لەو دایک و باوکەی ئەم ھونەرمەندەیان ھێناوەتە ژیانەوە و رێگەیان
داوە ئەم ڕێچکەیە بگرێتە بەر...
+ سڵاو لە مامۆستا و ھاوکارانی...
** خۆشەویستان بچنە سەر یوتوب لەوێ دەتوانن زۆربەی گۆڕانییەکان گوێ لێ
بگرن... من لینکی چەند نموونەکم لەخوارەوە بۆ راگوێزاون.
ئەو فرمێسکەکانەی ھەڵیدەڕێژم ھی خۆشین و وشک نابنەوە و تا ئێستا
ھەڵدەوەرن...ئاخر کوردستان لانکی ھەزاران بەھرەمەندی ترە، ڕێیان لێ
گیراوە ، چونکە نیشتمانیان داگیر و پارچەپارچەکراوە. کورد خاوەنی دەیان
و سەدان وزە و پۆتەنسیالی زۆری ترە، لێ کۆت و بەند کراون، دەنا حەز و
خۆشەویستی بۆ ژیان و ھونەر زۆر بەھێزە و لە چڵەپۆپەدایە.....
بەھیوای (کوردستانێکی ئازادی و سەربەخۆ) و ژیانێکی پڕ لە شادی و
مرۆڤدۆستی...
https://www.basnews.com/so/garan /عەلی+توڵابی
https://www.youtube.com/watch?v=tMogPV-KbZA
https://www.youtube.com/watch?v=xZEedSDdHDo
١٢\٦\٢٠٢٢
ماڵپهڕی ههڵۆ
محهمهد
|
