٧\١٠\٢٠١٠

ئەَڵماس مستەفا:
هەستە تاساوەکانم و دابڕان تەنها هاندەرم بوون بۆ ئەوەى هۆنراوە بنووسم.

 

سازدانى: پشتیوان کەریم گەڵاڵى

پشتیوان کەریم گەڵاڵى: ناوت، نازناوت.
ئه‌ڵماس مسته‌فا: ناو و نازناوم ئەَڵماس مستەفا، لە شارى سلێمانی لەدایک بووم، لەساَڵی ١٩٩٩ دەستم کردووە بە نووسین، یەکەم جار بە شیعرنووسین دەستم پێکردوە، لە ساَڵی ٢٠٠٣ لە وڵاتى سوێد نیشتەجێم.

پشتیوان کەریم گەڵاڵى: هۆنراوە بۆ کَی و بۆچى دەنووسی .
ئه‌ڵماس مسته‌فا: هۆنراوەکانم کوچەوکۆڵان ئاسمان و دەریاکان تەى دەکەن وێڵن بەدوی عەشقێکی ونبوودا، تەنها شیعرە ئەتوانَی خەمەکانى من هەَلگرَی تەنها شیعرە ئەتوانَی رازەکانم بهَونێته‌وە.

پشتیوان کەریم گەڵاڵى: دابڕان لای ئەَڵماس چییه‌.
ئه‌ڵماس مسته‌فا: دابڕان هەمیشە لەگەَڵما پیاسە ئەکات.

پشتیوان کەریم گەڵاڵى: کێ هاندەرت بووە بۆ ئەوەى هۆنراوە بنووسی.
ئه‌ڵماس مسته‌فا: هەستە تاساوەکانم و دابڕان تەنها هاندەرم بوون بۆ ئەوەى هۆنراوە بنووسم.

پشتیوان کەریم گەڵاڵى: چ شتێک رێگرت بووە .
ئه‌ڵماس مسته‌فا: پێموانیە هیچ شتَیک رێگر بووبێ لەبەردەم دەربڕینى هۆنراوەکانم.

پشتیوان کەریم گەڵاڵى: هۆنراوەی نوێی کوردی چۆن دەبینیت.
ئه‌ڵماس مسته‌فا: من ئێستا ئەدەبى کوردى بە سستیی ئەبینم، زَۆر کەسانَیک هەن پێنووسیان بەدەستە و ئەنووسن نووسینەکانیان زۆر لاوازن، کاتَیک چاو بە گۆڤار و رَۆژنامەکانا ئەگێڕم هەندێک نووسین ئەبینم بەڕاستى هەر وشەیە و ریزکراون و هیچ هەستێک لەو نووسینانه‌دا بەدى ناکەم..

پشتیوان کەریم گەڵاڵى: هۆنراوەى چ شاعیرێک کاریگەریی هەبووە لەسەرت ؟
ئه‌ڵماس مسته‌فا: من بەرلەوەى دەست بە نووسین بکەم هیچ کتَیبَیکم نه‌خوێندۆته‌وه‌ و کاریگەریی هیچ شاعیرێکم لەسەرنەبووە.

پشتیوان کەریم گەڵاڵى: هیچ شاعیرێک وەک مامۆستاى خۆت سەیر دەکەیت .؟

ئه‌ڵماس مسته‌فا: هیچ شاعیرێک مامۆستام نەبووە بەڵکو سەختى ژیان هەموو وانەکانی فێرکردم.

پشتیوان کەریم گەڵاڵى: پپێناسەت بۆ (خۆشەویستی) (گوڵ) (راسگۆیی) (ئازایەتیی) (دَڵپیسیی) چییه‌؟
ئه‌ڵماس مسته‌فا: خۆشەویستى نوێبوونەوەى روحە، گوڵ زمانى رەنگەکانە، راستگَویی ئاسوودەیى و ئارامییه‌‌، ئازایەتیی بەرەنگاربوونەوە و سەرکەوتنە، دَڵپیسیی، هەرەسهێنان و لەدەستدانى جوانییه‌کانى ژیانە.

پشتیوان کەریم گەڵاڵى: خۆشەویستیت کردووە ؟ ئایا سەرکەوتوو بوویت ؟
ئه‌ڵماس مسته‌فا: خۆشەویستیم کردووە و دابڕاوم، دابڕانیش سەرنەکەوتن نییه‌ خۆشەویستی خۆى لەخۆیدا سەرکەوتنە هەمیشە هۆنراوەکانم هەر بۆ ئەو عەشقە دابڕاوەم ئەنووسم..

پشتیوان کەریم گەڵاڵى: جوانترین هۆنراوەت لای خۆت کام هۆنراوەیە؟ .
ئه‌ڵماس مسته‌فا: جوانترین هۆنراوەم ئەو هۆنراوەیە کە تا ئێستا نەمنووسیوە.

پشتیوان کەریم گەڵاڵى: چ شتێک تووڕەت دەکات.

ئه‌ڵماس مسته‌فا: تووڕەبونم لەو خاوەن ناخە بێهه‌ڵوێست و نەخۆش و سادیزمانەیە کە ئازاردان و ئەشکەنجەدانى ئافرەتیان کردَۆتە پیشە.

پشتیوان کەریم گەڵاڵى: چ شتێک زۆر دَڵخۆشت دەکات.
ئه‌ڵماس مسته‌فا: ئەو کاتەى هۆنراوەیەکى نۆیم لەدایک ئەبێت خۆشترین کاتمە.

پشتیوان کەریم گەڵاڵى: هۆنراوەت بۆ ئازادیی ژن نووسیوە ؟
ئه‌ڵماس مسته‌فا: هۆنراوەکانم هەنگاونانى ناخَیکى ئازادە بەرەو خەباتَیکى بێ کۆتایی.

پشتیوان کەریم گەڵاڵى: ئاشنایەتیت لەگەَڵ مۆسیقا چۆنە ؟
ئه‌ڵماس مسته‌فا: مۆسیقا ئارامیی گیانمە، هێورکەرەوەى هەستە پەنگخواردووەکانى دەروونمە.

پشتیوان کەریم گەڵاڵى: ئەگەر هونەرمەندَێک داوای هۆنراوەیەکت لێبکات بۆ ئەوەی بیکات بە گۆرانى تۆ مەرجت چییە؟
ئه‌ڵماس مسته‌فا: هێندەى هۆنراوەکانم عاشق بێت.

پشتیوان کەریم گەڵاڵى: دوا وتەت چییه‌؟
ئه‌ڵماس مسته‌فا: دوا وتەم هیوادارم هەردەم داکۆککار و گەیەنەرى دەنگى په‌نگخواردووی ئافرەتان بم بۆ بەدەستهَینانى مافەکانیان، هیواى بەردەوامیی و سەرکەوتن بۆ رۆژنامەکەتان ئەخوازم.

کاتێک وەرە ئەستێرەکان
نوستبن، مانگ وەنەوز
بیباتەوه، چراکان
گشتى خامۆش
شنەى باش مەست و
سەرخۆش.. ئەو کاتە
وەرە بۆ لام،
کە هاتى ماچێک ئەکەین
تەڕتر لە باران
جوانتر لە سروشتی
عەدەن لەگەڵ
پێکى شەرابى دەستمان
سەما بۆ عەشق ئەکەین
ژوورەکەمان پێ ئەکەین
لە جریوەى ماچ..
 *  *  *  *  *
لێوەکانم هێندە تینووی
ژوانى لێوەکانتن
لەم شەوەدا هەروەک
یاقووت ئەدرەوشێنەوه.
وەرە ببە بە رەشەبا و
ستیانە ئەرخەوانییەکەم و
کراسە ئاوییەکەى بەرم
فرێ دە و بمبەرە ناو
بەهەشتەکەى خۆتەوە
مەستبوونێک مەستمکه
لەناو روحتا بمتوێنەوه.

ماڵپه‌ڕی ئه‌ڵماس مسته‌فا