|
٢٥\١٠\٢٠١٠
ئەم بەڵگەیە
بخوێنەوە تا بزانی کۆمپانیاى نۆکانیش ئاوارەیە؟!
هیوا رەش
حکومەتى هەرێمى کوردستان
سەرۆکایەتى ئەنجومەنى وەزیران
وەزارەتى دارایى و ئابورى
لیژنەى باڵاى تەکنیک
ژمارە : 3207 - بەروار : 9\3\2005
- بەرامبەر : / /270
بۆ بەڕێوەبەرایەتى تۆمار کردنى خانووبەرەى سلێمانى
ب تۆمار کردنى خانوو
هاوپێچ لەگەڵ نوسراوماندا وێنەیەک لە بڕیارى تەملیک ژمارە ( 1105 ) لە
بەروارى 28 2 2005 دەنێرین بۆتان ، کارى پێویست ئەنجام بدەن بۆ تۆمار
کردنى خانووى ژمارە ( 24 ) کەرتى ( ڕاپەڕین ) بە ناوى (( کۆمپانیاى
نۆکان )) کە بۆى تەملیک کراوە بە پێى بڕیارى سەرۆکایەتى ئەنجومەنى
وەزیران ژمارە ( 478 ) لە بەروارى ( 18 12 2004 ) بە بڕى – 1011000 – (
یەک ملیۆن و یانزە هەزار ) دینار ، کۆمپانیاى ناوبراو هەستاوە بە
پێدانى سەرجەم قیستەکان بە پێى پسووڵەى ژمارە ( 71129 ) لە بەروارى ( 6
3 2005 ) هەروەها هێماى مامەڵە نەخرێتە سەر خانووى ئاماژە پێکراو .
تکایە 000
هاوپێچ : -
وێنەیەک لە بڕیارى ئاماژە پێکراوى لاى سەرەوە
واژۆ
عوسمان ئیسماعیل شوانى
2 2005
وێنەیەک بۆ : -
* سەرۆکایەتى ئەنجومەنى وەزیران بەڕێوەبەرایەتى کاروبارى یاسایى بۆ
ئاگاداریتان لەگەڵ ڕێزدا
* لێژنەى باڵاى بەدواداچوونى موڵکەکانى دەوڵەت بۆ ئاگاداریتان لەگەڵ
ڕێزدا
* سەرۆکایەتى شارەوانى ڕاپەڕین بۆ ئاگاداریتان لەگەڵ ڕێزدا 000 هەمان
خانوو ژمارە ( 3 ) لە سەرە
* نوسینگەى تایبەت لەگەڵ ڕێزدا
* بەڕێوەبەرایەتى خانووبەرەى میرى سلێمانى هاوپێچ دۆسیەى خانووى ئاماژە
پێکراوى لاى سەرەوەتان بۆ دەنێرین تکایە
* سکرتاریەتى لیژنەى باڵاى تەملیک لەگەڵ سەرەتاکاندا
* دۆسیەى خانووەکە
* خولاو
خوێنەرى بەڕێز لە مانگى 11 2002 دا زیاتر لە 400 خانوو کە ڕێکخراوى
هاپیتات ئەرکى دروست کردنى لە ئەستۆ گرتبوو بە مەبەستى جێنشینیى
ئاوارەکان لە لایەن وەزارەتى شەهیدان و ئاوارە و ئەنفالکراوەکانى ئەو
سەردەمەوە دابەش کرا ، وا بۆ 8 ساڵى ڕەبەق ئەچێت ئەو خانووانە دواى
دەیان بەڵێنى دەمەدەمى هەڵبژاردن لە لایەن بەرپرسە باڵاکانى حزبەوە بۆ
کۆکردنەوەى دەنگ ، باس لە تاپۆ کردنى کراوە و تا ئێستا جێبەجێ نەکراوە
، هەر جارەى بە جۆرە پڕوپاگەندەیەک لە لایەک دڵخۆشکەر و لە لایەکى
ترەوە دڵتەنگکەر ، دانیشتوانى خانووەکان ئەخەنە دڵە ڕاوکێوە ، کەچى
بێمنەتانە و بێگوێدانە هەستى خەڵکى ئەو گەڕەکە ئەو بەڵگەیە دەرى ئەخات
کە یەکێک لە خانووەکان جیا کراوەتەوە و لە سەر کۆمپانیاى نۆکان بە بڕێک
پارە تەملیک کراوە ، بۆیە جێگەى خۆیەتى پاڵپشت بەم نوسراوە ئێمەش داواى
تەملیک و بە هەمان بڕە پارە لە حکومەتى هەرێم بکەین ، بڕوا بکەن هەرگیز
کۆمپانیاى نۆکان لە ئێمە نەدارتر نیە ، تۆ بڵێى لە هەڵبژاردنى ئاییندەى
ئەنجومەنى پارێزگاکانیش بەڵێنەکان دووبارە بکرێنەوە ، یان تا ئەو کاتە
دڵى بەرپرسەکان ئەڕەحمێنێت و ئەم کێشەیە یەکلا بۆتەوە و چارەسەر کراوە؟!
لێرەشەوە دەسخۆشیى لە شارەوانى ڕاپەڕین بە خۆى و کەمتەرخەمى و
غەمنەخواردنەکانى ، نازانم غەمى هاوڵاتیانیان بە لاوە گرنگە یان دڵى
بەرپرسەکانى سەرووی خۆیان ؟ ! کە ئەبوایە لەگەڵ جێبەجێ کردنى ئەم
نووسراوەدا کەمێک خۆیان بە نوێنەرى خەڵکى سنوورەکەى خۆیان بزانیایە و
بە تیلەى چاوى خومارى پشتى کورسى و مێزەکەشیانەوە بوایە ئاوڕێکیان لە
داوا وگرفتى خەڵکى سنوورەکەى خۆیانیش بدایەتەوە .
تێبینى : - قسەم لە سەر کۆمپانیاى نۆکان نییە چونکە بە پێى نوسراوەکە
بێت بەسزمانە هەموو قیستەکانى داوە و هیچ قەرزار نییە.
ماڵپه‌ڕی
هیوا ره‌ش
|
