په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

ئیرانییەکان لەسێدارەمان ده‌دەن
دەسەلاتى کوردیش چەپڵەیان بۆلێده‌دەن.

 

ئیحسانى فەتحیان شەهیدکرا ، فریاى شێرکۆ مهاجیرى و حەبیبى فەتحوڵا بکەون.


پێشڕەو حەمید 


ئێران یەکێکە لەو وڵاتانەى کە هاوکارێکى سەرسەختى گروپە تیرۆریستەکانە و لەهەمان کاتیشدا جەوانانى کورد بەناوى تیرۆریستەوە لەسێدارەده‌دات و لەکونجى زیندانەڕەشەکانى خۆیدا هەموو خەونەکانیان دەپوکێنێتەوە ، ئێران یان باشتربلێم وڵاتى سێدارەو ماددە هۆشبەرکان لەماوەى نیوسەدەى ڕابردودا بە هەموو هێزێکەوە جەنگێکى پڕلەڕق و تۆَلەسەندنەوەیان لەبەرامبەر کوردانى ڕۆژهەلاتیدا هەڵگیرساندوەو تائێستاش لاشەو خەونى کوردان دەکاتە سوتەمەنى بۆجۆشدانى ئاگرى خەونە جەهەنمیەکانى خۆى بۆ کۆتاپێهێانى بونى کورد وەک نەتەوەیەکى ڕەسەن و خاوەن زەوییەکى داگیرکراو .


لەوەتەى ناوى وڵاتى ئێرانم بیستوەو بە ناوى فارس ئاشنا بووم تەنها دیمەنى سێدارەدەبینم ، دیمەنى ئەو مرۆڤانە دەبینم کە لەبەرچاوى خەڵک و لەناو جەرگەى شەقامەکان و بازارەکان وقوتابخانەکان و و پارکەکاندا مۆرڤ بەداردەکات و بۆچاوترساندنى خەڵکى بیتاوان ڕۆژانە دەیان تاوان ئەنجام ئەدات و هیچ دەوڵەت و ڕیکخراوێکى جیهانى لەبوارەکانى مافى مرۆڤدا ناتوانم ڕیگە بەتاوانەکانى ئیرانییەکان بگرن و تەنها ساتێک لەزەت بگەڕێننەوە بۆژیانى ئەو مرۆڤانەى کە زوڵمى ئاخونەکان کردونى بەدۆزەخ .


ئیران ، دراوسێ یەکى دەمامکدارى هەرێمەکەمانە و هەرجارەو بە شیوەیک خۆى نیشانى دەسەڵاتدارانى هەرێمەکەمان ئەدات و هەرجارەو بەفۆرمیکى پڕەلەمەکروە ئیغرایان دەکات ، جارێک بەکردنەوەى قونسڵخانە و جارێک بەکردنەوەى مەرزەکان و جارێک بەناوى هاوکارى کردنى نەخۆشکانمانەوە هاوکارمان دەبن و جارێکیش بەناوى ....هتد ،هەمو جارەکان ئیرانییەکان لەبۆسەدان بۆ کوشتن و سوتاندنى خەونەکانمان و ئێمەى بێدەسەڵات هەستى پێدەکەین و ئەوانى سیاسەتمەدارو خاوەن دەسەڵات و دیبلۆمات بەناوى قسەى زلى ناسیاسیانەوە خۆیان بێئاگا دەکەن .


ئیرانییەکان گەنجەکانمان لەسێدارەئەدەن و دەسەڵاتى کوردیش چەپڵەیان بۆلێ ئەدات ؟! بە حسباى خۆیان دەست ناخەنە ناوکارو بارى وڵاتێکى دراوسێمانەوە ، بەڵام ئەوەیان لەبیر چوە کە تورکەکان لەسەر ( تورک پیاوەکان ) تورکمانەکان هەر ڕۆژەوە بەچى شێوازێک دەمان کەن بەفیلم و چۆن بڕیارەکانى خۆیان بەسەرماندا فەرزدەکەن .


کاتێک هەمو ئەو کەس و ڕیکخراوانەى کە بەوەیانە دەزانى لەکات ژمێر ( 6 ) ى بەرەبەیانى ڕۆژى ( 11/11 ) دا گەنجێکى تر وەک هەموو گەنجەکانى ترى کورد بەداردا دەکرێت و ژیانى لێ وەردەگیرێتەوە ، هەرئەو کاتە بەرپرسەکانمان لەشیرنى خەوە قورسە کانیاندا بون خەویان بە ڤیلاى زیاترو پارەى زۆرترو ژنى جوانتر و کەنیزەى باڵابەرزترەوە دەبینى و ( ئیحسانى فەتاحیان ) یش دەمێک بو هەستى بە مردن کردبو ، دەمێک بو لەگەڵ مردندا هاوڕێبون ، دەمێک بو دەیزانى بەرپرسەکانى باشورى وڵات خەمەى هیچ ناخۆن تەنها خۆیان نەبێت ، هەربۆیە دەیویست مەردانە بەسەرمردندا سەربکەوێت و بیکاتە هاوڕێ ى خۆى ؟ چونکە ئیحسانى جوانەمەرگ دەیەوێت ئیدى لەدواى شەهید بونى بە ( ئێمە ) بڵێـت شەقام لەدۆخى سڕبونەوە جۆش بدەن و ئیدى ڕێگەمەدەن گەنجى تر لە خەون و خۆزگەکانى بێبەش بێت ، شەقام جۆش بدەن تا بۆئەوەى دەستى ناپاکى بێگانە گەردنى گەنجانى کورد نەڕوشێنن و هەناسەى پیسیان خاکمان لەکەدار نەکەن ، بە ( بەرپرسان ) یشى وت : ئێوە لەئاست بەرپرسیاریدا نین و زۆرلەوە بچوکترن کە سەرکردەى من و میللەتەکەم بن ، ئیوە پڕن لە ترسنۆکى و ناجۆامیرى ، پڕن لە فێل ( ئێوە مرۆڤ نین ) چونکە مرۆڤ خاوەنى هەڵوێستە بەڵام ئێوە نیاتە هەربۆیە مرۆڤ نین ، ئێوە و دەزگاکانى ڕاگەیاندنتان نۆکەرى ئاخونەکان و ئەتات تورکەکان ، هەربۆیە بەشەهید بونى هەىزارالنى ترى وەک من بەدەستى ئەوان ، ئێوەناکاتە سەرکردەیەکى خاوەن هەڵوێست و کورد پەروەر ؟! ئەگەر نا سنورەکان دابخەن ، قوسنوڵخانەکانیان بەردباران بکەن و بەسەر شۆرى بیان گەرشێننەوە بۆلاى ڕژێمە بۆگەنەکانیان ، بازِاڕەکانتان خاڵى بکەنەوە لە کەرەستەو شتومەک و خواردنە بەسەرچوەکانیان ، مەرزەکان دابخەن و ڕێگە مەدەن هەناسەکانیان سنور ببەزێنێت ، ئێوە کەناتوانن ئەوانە بکەن ئیدى بۆ کاتێک ئێمە پلەى شەهادەت داوادەکەین ئێوە بە منداڵ و هەرزە تومەتبارمان دەکەن ؟ ئاخۆ مۆرڤ یەک جار بمرێت خۆشترە و سەربەرزانەترە ، یان ئەو مردنەى ئێوە کە هەموڕۆژێک دەرمن و ڕۆحتان شەرمنانەن جەستەتان بەجێناهێلێت ؟


ئیحسانى جوانەمەرگ داواى خۆپیشان دان دەکات ، داواى مانگرتن دەکات ، داواى جۆشدانى شەقامە ساردوسڕەکەى کوردیمان لێدەکەات ؟ چونکە ئەو دەزانێت چەندى تر چاوەڕوانن لەگەڵ مردن ببەن بەهاوڕێ ، ئیحسان بەدەنگى بەرز داوامان لێدەکات کە قریاى هاورێیانى ( شێرکۆ مهاجرى و حەبیبى فەتحوڵا ) ى بکەوین و ڕێگەنەدەین دەستە ناشرینەکانى فارسە تینوەکان بەخۆینمان جەستە و ڕۆحى پیرۆزى گەنجانمان بەرپەڵەبخەن .