|
|
|
٢٣\٤\٢٠٢٥ ئەردۆگان سیاسەتمەدارێکی دووڕووە چونکە خۆی بە موسڵمان دەزانێ و فرمێسکی تیمساحیی بۆ فەلەستینیەکان دەڕێژێ و لە ژێرەوەش لەگەڵ ئیسرائیلدایە!
من نە یەکەم کەسم کە ئەو قسەیە بە سەرۆک ئەردۆگان دەڵێم و نە بوختانیشی بۆ هەڵدەبەستم، بەڵک و زۆرلە پێش مندا سیاسەتمەدارانی تورک لە نێوخۆی تورکیادا لە پارتە بەرهەڵستکارەکانی ناو تورکیا و بە تایبەتیش بەرپرسە باڵاکانی سەر بە پارتی جەهەپە چەندین جار لە بەکارهێنانی وشەی دووڕوو ''مونافیق'' واوەتر ڕۆییشتوون! هەندێک لەو سیاسەتمەدارانە بە بەڵگە سەلماندوویانە کە ئەردۆگان درۆ لەگەڵ تەواوی موسڵمانانی جیهان بە گشتی و بە تایبەتیش لەگەڵ فەلەستینیەکان دەکا! جا لە نێو فەلەستینیەکانیشدا خۆڵ دەکاتە چاوی خەڵکی فەلەستین بە گشتی و حەمساویەکان بە تایبەتی.
ئەمە ئەگەر دووڕروویی سیاسیی نەبێ دەبێ چی ناولێبنرێت؟
تورکیا یەکەم وڵاتی موسڵمانە کە ئەندامی ناتۆیە؛ لە تورکیادا بیست و شەش بنکەی سەربازی ئەمەریکا و ناتۆ هەیە؛ تورکیا یەکەم وڵاتی موسڵمان بوو کە دانی نا بە دەوڵەتی تازە درووست بووی ئیسرائیلدا لە ساڵی ١٩٤٨؛ لە تورکیادا دوو بنکەی سەربازیی ئیسرائیل هەیە یەکێکیان دەکەوێتە شاری کۆنیا و ئەوی تریان دەکەوێتە شاری ئەزمیرەوە؛ بە پێی ڕێکەوتنی ناتۆ ئیسرائیل دەتوانێ سوود لە بنکەی سەربازیی ئینجەرلیک کە بنکەیەکی سەربازی ئەمەریکایە وەربگرێت؛ ساڵانە پێنج سەد هەزار گەیشتیاری ئیسرائیلی گەشت دەکەن بۆ تورکیا؛ تورکیا یەکەم وڵاتی موسڵمانانە کە هاوسەرگیری هاوڕەگەزخوازیی بە یاسایی بکات؛ تورکیا تاکە وڵاتی موسڵمانە کە سەیرانگای بۆ لەشڕووتەکان هەیە؛ لە تورکیادا نزیکەی ٢٦٥ مەیخانە هەیە.
ئەدی ناوخۆی تورکیا بۆ باس ناکەن؟ ئەدی بیست هەزار سۆزانیخانە یاسایی لەشفرۆشیی، لەو سۆزانیخانانەدا پتر لە سێسەد هەزار ژنی تورک کاریان تێدا دەکات. داهاتی ساڵانەی ئەو لەشفرۆشیە نزیکەی چوار ملیار دۆلارە بۆ دەبێ باس نەکرێت؟
______________________________________
|
|
|
ئەردۆگان
لە لایەکەوە بە ڕواڵەت و لەبەر دڵی موسڵمانانی جیهان بە گشتی و ناوخۆی
تورکیا بە تایبەتی فرمێسک بۆ منداڵانی غەزە و بۆ خەڵکی فەلەستین دەڕێژێ
و هەمیشە لەبەردەم مایکڕۆفونەکانی دەزگا ڕاگەیاندنەکاندا بە حەماسیانە
دەکەوێتە هات و هاوارو لە دژی ئیسرائیل وتاری ئاگرینیی دەدا، بەڵام لە
ژێرەوەش هیچ سەرۆک و سیاسەتمەدارێکی موسڵمان بەقەد ئەڕدۆغان لە
ئیسرائیل نزیک نییە! 