په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٤\٣\٢٠١٨

  ئەستێرەکانی هاوڕێم.

  عەلی حەمەڕه‌شید   

ئەستێرەکانی ھاوڕێم
ھەرگیز بەشەو ناخەون
ھەر تاریکایی داھات
ئەوانیش دەردەکەون
  *  *  *
حەز دەکەن پێکەوە بن
تاریکایی ڕاوبنێن
تا بەیانی گۆرانی
بۆ پرشنگی خۆر بڵێن
  *  *  *
کە خۆر ھەڵھات ئەوانیش
دەڕۆن و دیار نامێنن
چەپک چەپک تیشکی گەش
لە ناخیاندا دەڕوێنن
  *  *  *
لە ئاسمانی بەرینا
بە تیشکەوە گەشت دەکەن
تاریکایی لە کوێ بێ
ڕوناکایی بۆ دەبەن
  *  *  *
چونکە ئەستێرەکانیش
ھەروەکو ئێمە جوانن
ھاوڕێی ئازیزی ئێمەن
ھەرچەندە لە ئاسمانن.


٢٨\٤\٢٠١١
ماڵپەڕی عەلی حەمەڕەشید

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک