په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢٥\٩\٢٠١٠

ئه‌و کوردانه‌ی خورماتوو به‌جێدێڵن زۆربه‌یان به‌رپرسن!


محەمەد ئەحمەد  


خورماتوو، دواهەمین شارۆچکەی کوردنشینە لە باشوری کوردستان کە بە سنوری نێوان کوردستان و عێراق هەژمار دەکرێت و لە مێژوویەکی دێرینی هەیە لە خەبات و شۆرشەکانی گەلی کورددا کە زۆرترین قوربانی داوە لە شەهیدان و ئەنفال و تاڵانکردنی ماڵەکانیان.. هتد لە سەردەمی رژێمی پێشوودا.
لەپاش پرۆسەی ئازادی عێراق چەندین ماڵی ئاوارەکراو گەڕانەوە شارۆچکەی خورماتوو، بەڵام ئێستا لەبەر نەبوونی ئاسایش و خزمەتگوزاری کوردەکانی دانیشتووی خورماتوو شارۆچکەکەیان بەجێدێڵن و روو ددەکەنە شار و شارۆچکەکانی دیکەی هەرێمی کوردستان.
بەم بۆنەیەوە بەباشمان زانی رای بەرپرسان و هاوڵاتییان بزانین سەبارەت بە جێهیشتنی هاوڵاتییانی کوردی دانیشتووی خورماتوو.


سەرەتا بەڕێز ( شەلال عەبدول) قایمقامی خورماتوو وتی : لەبەر نەبوونی ئاسایش و نەبوونی خزمەتگەزاری هاوڵاتییە کوردەکانی شارۆچکەی خورماتوو ، خورماتوو بەجێدێڵن و روودەکەنە شارو شارۆچکەکانی دیکەی هەرێمی کوردستان، وە لە سەرەتای ئەمساڵی 2010 دا زیاد لە (400) خێزان بە شێوەیەکی رەسمی داوایان لە قایمقامەتی خورماتوو کردووە کۆچیان کردووە بۆ شارەکانی (کەرکوک و کەلارو سلێمانی و هەولێر) و ئێستا رۆژانە 5 6 خێزان دێنە قایمقامییەت داوی رێپێدانی کۆچکردن دەکەن ، قایمقامی خورماتوو وتیشی : زۆربەی ئەو خێزانە کوردانه‌ی کۆچدەکەن (بەرپرسی ئیداریی و حیزیی و پێشمەرگە و کارمەندانی ئاسایشن ) .

هاوڵاتی ( سالار عەبدولجەباری)ـی تەمەن 38 ساڵی دانیشتووی خورماتوو وتی : خورماتوو بەجێدێڵم لەبەر نەبوونی ئاسایش و نەبوونی کارەبا بەتایبەتی چونکە خورماتوو لەرووی خزمەت گوزارییەوە خزمەتێکی ئەوتۆی نەکراوە و هەروەها من لە رووی ئاسایشەوە لە من لە ترسی رفاندن منداڵەکانما دەرۆم ، چونکە خورماتوو بە شوێنی ساقمگیر نازانم .

یەکێکی دیکە لە کۆکەرەکانی خورماتوو وتی : منداڵەکانم لە قوتابخانەی کوردی ئەخوێنن، ئەگەر نەیانبەم بۆ هەرێم منداڵەکانی لەهیچ زانکۆ و پەیمانگایەک وەرناگیرین.


ئەو هاوڵاتییە کۆچکەرەکەی خورماتوو وتی : ئەوپەڕی گلەییم لە دەسەتدارانی خورماتوو و حکومەتی هەرێم هەیە چونکە لە هەموو روویەکەوە خزمەتی هاوڵاتییان و خزمەتی شارۆچکەی خورماتوو ناکەن بەتایبەتی هاوڵاتییە کوردەکان ، ئەو هاوڵاتییە بە ( کەریم وەهاب) خۆناساند وتی : کۆچکم کردوو بۆ شارچکەی کفری لەبەر ئەوەی کەم دەرامەتم و ناتوانم وەکو بەرپرسان خانوو و ڤێلا لە شارەکانی هەرێم دروست بکەم و من لە خورماتوو کرێچیم و لە کفریش هەر بەهەمان شێوە ، وە کەریم وەهاب وتیشی : هۆکاری سەرەکی کۆچکردنی من بۆ نەبوونی خزمەت گوزاری و ئاسایش و وەرنەگرتنی منداڵەکانم لە زانکۆکان هەرێمی کوردستان ئەگەر لە خورماتوو بمێنمەوە.

دانیشتووەیەکی خورماتوو کە پێیباشنەبوو ناوی بوترێت وتی: زۆر گلەیی لەو خێزنانە دەکەم کە خورماتوو بەجێدێڵن کە زۆربەیان خانووەکانیان بە نەتەوە (عەرەب و تورکمان) دەفرۆشن چونکە بە جێهَشتنی ئەوان خورماتوو دیسان تەعریب دەکەنەوە هەوەها ریژەی کوردی لە خورماتوو کەمتر دەبێتەوە و ئەمەش لە بانەرۆژدا کێشەیەکی سیاسی دەنێتەوەکە ئەنجامەکەی بۆ کورد باشنابێت .
 

خورماتوو

hama90@live.com