په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٧\٥\٢٠١٦

    ئەی بێ ئاگا.

فەتاح حەسەن

ئەو دەمەی
منت لە ئاو دەردەهێنا
بۆ ئەوەی نەخنکێم
نەتدەزانی ئەمن ماسیم.
ئەو ساتەی
باسی وەرینی گەڵا و
خەزانت دەکرد
نەتدەزانی، سنەوبەرم.
ئەو کاتەی، باسی ئاگر و
سوتانت دەکرد
نەتدەزانی
سەمەندەرم.
ساتەوەختێك
منت بە شەو دەسپارد
نەتدەزانی
قەڵای مێردانە شەو.
ئانێك
نزای بووکە بەبارانێت دەکرد
نەتدەزانی
جوانترین سەما، لە کن ئەمن..
سەمای بەر بارانە.
کە، بە ئاواتەوە بوویت
کلوو کلوو بەفر ببارێ
نەتدەزانی
بەفر
دامەنی سپی ئەمن دەگرێ.
ئەی بێ ئاگا..


دانیمارك / ڤالبی

ماڵپەڕی فەتاح حەسەن

 

 


 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک