|
٩\٤\٢٠١٣
فلمێ دەرھنێرێ
مانۆ خەلل ل دوبەی تێ نیشان دان.
 فلمێ
مانۆ خەلیل ب ناڤێ „ئاپێ ئیربۆم“ ب ئەلمانی „دەر ئمکەر“ رۆژا ١٢ و ١٦
نیسانێ ل باژارێ دوبەیا ئەمیراتا ئەرەبی تەڤلی رۆژێن فەستیڤالا فلمێن
خەلیجێ دبە و تێ سەر ئەکرانان. فیلم ژ بەر کو نە پرۆدوکسیۆنا وەلاتەکی
خەلیخییە، د بەشێ سینەما جیھانێ دە تێ تەماشە کرن.
فلم چیرۆکا مرۆڤەکی کوردە، „ئبراھیم گەزەر“ (ئاپێ ئیربۆم)، کو ب ئەسلە
خوە ژ ئەلبستانێیە. ئاپێ ئیربۆم، ھەتا سالێ ٩٠ی یەک ژ مەزنترین
مێشڤانێن کوردیستانێ بو، لێ مخابن، ژ بەر زولم و زۆرداریا رەژیما ترک
ھەر تشتێ وی وندا بوو. مالا وی خراکرن، مێشێن وی کوشتن و ئەو نەچار ما
بەرەڤە و وەکە پەنابەر وەرە سویسرا. ھەر کو ئاپێ ئیربۆم گەلەک کول،
دەرد و رۆژێن تاری دەرباس کرنە لێ مرۆییا خوە و کێفا خوە ژ خوەزایێ و ژ
مرۆ رە وندا ناکە. ل سویسرا دیسا دبە خوەدی مێش و چیایێن ئالپێ ژێ رە
دبن وەکە چیایێن کوردستانێ».
فلم ب زمانێ کوردی و ئەلمانی ھاتیە کشاندن. دەما فلم ١٠٧ خولەکن. ل سەر
سیستەما دجپا سینەماا نو ھاتیە قەیدکرن.
فلم پرۆدوکسیۆنەک ناڤنەتەوییە، ژ ئالیە تەلەڤزیۆنا ئەلمان - فرانسا
ئارتە و تەلەڤزیۆنا سویسری ڤە ھاتیە فینانسەکرن.
فلم د دەستپێکا ڤێ سالێ دە ل فەستیڤالا فلمێن سویسریا نەتەوی لایقی
خەلاتا یەکەم ھاتبوو. فلم رۆژا ٦. ھزێرانێ دەرباسی سینەما دبە و د مەھا
گولانێ دە دکەڤە پێشبەرکا فلمان د فەستیڤالا ئەلمانا باژارێ مونچەن دە.
info@framefilm.ch
|
