وێ ل فەستیڤالا
لۆجارنۆا فلمێ ناڤنەتەوی بێ شانی دان.
پشتی
چەند ھەفتیان ب باشداربونا خوەا ناڤنەتەوی ل فەستیڤالا شانغایا چینێ،
نھا فلم وێ ل فەستیڤالا لۆجارنۆ کو ژ ٤ ھەیا ١٤ تەباخێ ل دار دکەڤە بێ
شانی دان. فەستیڤالا لۆجارنۆ وەکە شانغایێ ژی ل گۆری سەنفاندنا
فەدەراسیۆنا ناڤنەتەوەیییا پرۆدوسەنتێ فلمان ژ پازدەھ فەستیڤالێن
مەزنێن کاتەگۆریا "ا" تێ ھەسباندن.
جیران ب نڤیساندن، دەرھێنان ئوند پرۆدوکسیۆنا مانۆ کھاللە، ب ئالیکاریا
چەند کەنالێن تڤ-یێن ئەورۆپی ئارتە و سرف ھاتیە فینانسە کرن.
فیلما "جیران" چیرۆکا زارۆکەکی کوردێ شەش-سالییە، کو ل گوندەکی نێزێ
سینۆرێ "ترکی-سووری" دژی، کو مالباتا وی د ناڤ دو وەلاتان دە ھاتیە
پەرچەکرن. فلم ب دو سەاتێن خوە دە، کورتاھیا پێنجی سالێن زۆردەستی،
شۆڤەنیزم، و رێبازێن نژادپەرەستییێن کو ژ ھێلا رەژیما بەعسیا فاشیست کو
ل سەر ملەتێ کورد ئانی ھۆلێ تینە شانیدان.
فلم ل سەر گەلەک تەشتێن تایبەت د ژیانا
ملەتێ کورد دە ل رۆژاڤا، کو د بن زۆرداریا رێژیما بەعسی تینە زمان، وەک
قەدەخەکرنا زمان و کولتورا کوردی، پراکتیکێن موخاباراتا ل دژی ملەتێ
کوردا رە، نژادپەرەستیا رەژیمێ، و داخوازکرنا وێ بۆ گۆھەراندنا
دەمۆگرافا کوردستانێ، سینۆر و ئەسکەرێن کو ب کوشتنا مرۆڤێن کورد رە
شانازیا دکن. ھەر وەھا بۆ جارا یەکەم مەسەلا “ئەرەبێن خەمر” کو رێژیما
فاشیستا بااس د سالێ ھەفتێ دە، د بن پرۆگراما شۆفینیستا ب ناڤێ
“کەمبەرا ئەرەبی” ئانی رۆژاڤا و ئەردێ کوردا ژ وان ستاند و ل ئەرەبێن
خەمر بەلاڤ کر تێ ھۆلە، کۆ ھەتا رۆژا ئیرۆ ئەڤ پرۆبلەمەک مەزنە ل
رۆژاڤایێ کوردستانێیە و ل بەندا چارەسەریێیە. ئەڤ ژ ئالیکی دە، ژ ئالیێ
دەن ڤە، چیرۆکا جھوێن سوری کو نەچار مان، ژ وەلاتێ خوە کۆچ بکن و مال و
ملکێ خوە ل پشت خوە بھێلن.
فیلم وێ د ١٤-ێ جۆتمەھێ دە دەرباسی سینەمایێن سویسرەیێ ببە و وێ د
داویا سالێ دە ل سینەمایێن ئەمرکا، کانادا، ئاوسترالیا، ئالمانیا و
بگومانە کو د سینەمێ وەلاتێ ئەرەبی دە ژی وەرە شانیدان.
_____________________________________________
