|
٢٠\٥\٢٠١٥
فیلمی "هەزار
مێرد"
چیڕۆکی گەورەترین کیشەی رۆژھەڵاتی ناوەڕاستە.
دلێر ئیبراھیم
 فیلمی
سینەمایی "ھەزار مێرد" کە گێرانەوەی یەکێک لە کێشە سەرەکییەکانی
ڕۆژھەڵاتی ناوەڕاستە، ئەویش توندوتیژییە بەرانبەر بە ئافرەت و کوشتنی
مرۆڤە لەسەر شەرەف.
فیلمی "ھەزار مێرد" لە نووسین و سیناریۆ و دەرھێنانی، دەرھێنەری کوردی
دانیشتووی کەنەدا، سەلیم مودەریسی- یە، ھەروەھا عەبدولوەھاب شوانی
پرۆدێسەری فیلمەکەی لە ئەستۆ گرتووە.
کاری وێنەگرتن لە لایەن ناسڕ حەیدەرزادە ئەنجامدراوەو موزیک و
دەنگەکانیش لەلایەن ئاوەرە مودەریسی کاری بۆ کراوە، ھەروەھا ئیدیتۆر
ئەمیر غوڵامی کاری بۆ کردوە" موحەمەد باز کاری ڕەنگی بۆ کردووە.
تەنھا چەند کارێکی بچووکی تەکنیکی ماوە لە دەرەوەی ھەرێمی کوردستان و
تەواو دەبێت و دەگەرێتەوە کوردستان.
ئەم فیلمە ڕۆڵی سەرەکی لە لایەن ھەر یەک لە (سەلیم مودەریسی) لە ڕۆڵی
خان و بەختیار سی بی لە ڕۆڵی برێس و حەمە عەلی موکری لە ڕۆڵی برای سۆڵا
و (سارا رێبەر) لە ڕۆڵی سۆڵا و (عەبدولوەھاب شوانی) لە ڕۆڵی مامۆستا.
ھەموو کاری وێنەگرتنە لە نێو قەڵای ھەولێر ئەنجامدراوە، بەم زووانە
دەکەوێتە بەچاوی بینەران و ھەوادارانی سینەماو وەک یەکەم کاری سینەمایی
کە تایبەتمەندی خۆی لە ڕووی جلوبەرگ و موزیک و شێوازی بەرھەمھێنانەوە،
ئەم فیلمە بە ھاوکاری بەڕێوەبەرایەتی سینەمای ھەولێر بەرھەمھاتووە.
dler20022@gmail.com
|
