|
١\١١\٢٠١٩
گلەییەکی بە بەڵگەنامەوە
لە بارەی
پەرتووکی کورد
لە بەڵگەنامەکانی عوسمانی.
هێمن قوبادی
 لە
هەر وڵاتێکدا باسی چاپ و لێرسینەوەی ویژدانی و زانستی لەبەرهم هێنانی
دەق و نووسین و ئامادەکردنی
پەرتووک و بڵاوکردنەوەی نەبوو ، ئاساییە
بەرهەمێک بەرهەم بێت، ماندووبوون و کاری کەسانی دیکە پێشێل بکات، یان
مافی کارکردن و ماندوویەتی خەڵکی دیکە رەچاو نەکرێت لەم ماوەیەدا (١٠)
بەرگی پەرتووکێکی گرنگ و بەرهەمێکی دانسقەی مێژوویی بەناوی (کورد لەنیو
بەڵگەنامەکانی عوسمانی) بەناوی (دکتۆر نەوزاد یحیا باجگر ) چاپ و
بڵاوکرایەوە. ئەم
پەرتووکە بەنرخە بەهایەکی مێژووی هەیە، بەڵام کاتێک ناوی
نووسەر و ئامادەکاری
پەرتووکەکە دەبینیت، کەسێکی وەکو من کە ئاگاداری
بەسەرهاتی چۆنیەتی کۆکردنەوە و ئامادەکردن و دۆزینەوەی بەڵگەنامەکانە
تووشی دڵتەنگی و هەستکردن بەغەدرێکی ئەخلاقی و ویژدانی لە چەند کەسێکی.
دیکە دەکات.
من ئاگادارم لەساڵی ٢٠١٦ هەریەکە لە مامۆستا و ڕۆشنبیر و کەسایەتی
دیاری کوردستان (مامۆستا جەمال خەزنەدار و د. وریا عومەر ئەمین و د.
موحەمەد خدر مەولود) بۆ هەفتەیەک سەردانی تورکیایان کرد و لەدوای گەڕان
و پشکنینی پەرتووکخانەی تورکیا ئەو بەڵگەنامە گرنگ و مێژوویانەیان دۆزیەوە
و هەر لەوێ کۆپیان کردن و لەدوای گەڕانەوەیان بۆ هەرێمی کوردستان
تەسلیمی زانکۆی جیهانیان کرد، دەبێت ئاماژە بەوەش بکەین. بەرنامەی
کارەکە لەسەر بنەما و ڕێککەوتنی ئەم زانکۆیە و ئەم سێ بەرێزەوە ئەنجام
درابوو.
من گلەیی دۆستانە لە دکتۆر نەوزاد باجگر دەکەم، بەچ هەقێک و بەچ
یاسایەک بێ ئەوەی ئاماژە بەماندووبوون و کارەکانی ئەم سێ بەرێزە بکات،
پەرتووکەکانی لە ١٠ بەرگ بەناوی خۆی چاپ و بڵاوکردۆتەوە.
من گلەییەکی بەڵگەدارم لە نووسەری (کورد لەبەڵگەنامەکانی عوسمانی) کرد.
قسەکانی من بەڵگەدارن،
پەرتووکێک کە تایبەتە بەبەڵگە و دۆکۆمێنت چۆن دەبێت،
کاری بەڵگەداری کەسانی دیکە پشتگوێ بخات و بشێوینیت و مافەکانیان
بسوتێنێت.
هێندە دەڵێن کاری بەڵگەنامەیی پێش هەر شتێک پێویستی بەویژدانی بەڵگەدار
و بەرهەمی بەڵگەدار هەیە، نەک وەکو د. نەوازد یحیا باجگر، ئاگر
لەخەرمانی ماندووبوونی بەڵگەداری کەسانی دیکە بەربدەیت.
khoshnaw10@hotmail.com
|
