|
هەڵخه‌ڵه‌تاندن.
فەرهاد کەریم
هەور لە ناو لەپم دەشریقێنێ لە چاوم باران دادەکا، نمەباران ،رێژنە
باران، باران بۆ ژیان و مرۆڤی جوان ،باسی زریانی تووڕە ناکەم لە
وولاتێکی بێ ئاسمان، رۆژ لە سەرزمانم هەڵدێ ،سەرم وولاتی ترووسکەیە و
دابەشکراوە، گوێم سووک بووە و گوێم لە هەموو هاوارە خنکاوەکانە بە جزە
جزی مێش پەست دەبم، هەست بە رۆینی مێروولە دەکەم، ئیرەیی بە شارە
مێروولە دەبەم، خۆبەخشانە و سەربەستانە خۆبەخەت دەکەن و لە پێناو
خۆشگوزەرانیان بۆ سبەینێیەکی رۆناکتر، چارەڕەشییمان پەرتەوازەیی،
دوورەپەرێزیی و تەنیایی و ناتەباییە و شتی تر، گوێم لێیە دەنگێ دەلێ
ئارام بگرن، ئەو ئارامییه‌ش هێواش هێواش راماندەکێشی بۆ قوولترین و
جوانترین و بگرە پیرۆزترین خەم لە مێژوو، لە هەسارێکدا دەگوزەرێنین
ژیان لە گۆڕ نراوە..، پەڕۆیەکی سپیان هەلداوە و لێی نوسرواوە خۆتان
خاوەنی هەموو شتێکن ،بەختەوەربن تا دوا چرکە ئەرێ گەورەکانم پسوولەی
ئەو دنیاشمان نادەنێ ؟ عەیامێکە باران لەو پەرۆیە سپیە دەدا و با ووشکی
ناکاتەوە، ئێمەش چاوەرێین...
وا هاتن پێشمەرگێ مە.
جەنگ بوو لەدژی جەنگ، هاتنەوە تا بۆگەن نەبن، گۆڕانێک بۆ هەمیشە بەهار،
سۆزیان دابوو نان و کار و ئازادی و یەکسانی و ماف و ئەرک بۆ هەمووان،
لە کەرێکی لەڕ و لاواز بووه مۆنیکا و هەتا فڕۆکە و خوا و زەوی و
ئاسمانی کوردان، لە ئەشکەوتێکی تاریک بووه ڤیللای پر خزمەتکار و
ئاهەنگی پر هات و هاوار، لە رەوشتی ناشرین گەیشتوونەتە ئاستی سولتانی
تورکان ،بۆیە ئەم گۆرانیە حەیاتەمان بۆ دەلێن (بەرخودان ژیانە،
بەرخودان ،بەرخودان، ژیانە هەی هەی بەرخودان ژیانە)*
بە خوا راست دەکەن، بەرخودان بۆ ئێوە ژیانە بۆ ئێمەش قوون دڕان، کێ
کردی کێ خواردی...
_________________________________________
*
سەری رێزم بۆ ناوەرۆکی ئەم گۆرانییه
مەزنە و دەنگی زولالی شڤان پەروەر.
Farhad4Hamad@yahoo.com
|
