٢٦\١\٢٠١١

هەندێک وردە تێبینى بۆ روونکردنەوە ناڕوونەکەى بەناو کۆمەڵەى پێشمەرگە دێرینەکانى حیزبى شیوعى.

هیوا رەش     

ئەوەى ڕەچاو دەکرێت هەمیشە دەسودایەرەى بەناو کۆمەڵەکە هێندەى سەرقاڵى قەتیس و خەفە کردنى خواستى ڕەواى پێشمەرگە دێرینە سەرسەختەکانى حیزب بوونە چارەکى ئەوە بیریان لە دابینکردنى داواکانیان نەکردۆتەوە ، بەڵام کە سەغڵەت دەبن ئیتر دەیانەوێت خۆیان بکەن بە فریشتە کە لە ڕاستیدا وانین ، لەهەمان کاتیشدا هێندەى بیریان لە بە پێشمەرگە کردن و دانانى مێژووى وەهمى وپلەى باشى خانەنشینى بۆ ئەحباب و ئەربابى خۆیان کردۆتەوە چارەکى ئەوەش بیریان لە باشتر کردنى بژێوى پێشمەرگەیەکى سەرسەختى مەیدانى خەبات نەکردۆتەوە تا بێمنەتانە بتوانن سنگ دەرپەڕێنن و شانازى بە کارەکانى خۆیانەوە بکەن ، لەم ڕووەوە خوا هەڵناگرێ هەروەکو خۆشیان لە ڕوونکردنەوەکەدا بەیانیان کردووە : ( ڕۆژانە هەموو کاتى خۆیان بۆ ماف و کێشەى پ . م دێرین و کەمئەندام تەرخان کردوە ) ، منیش سەد لە سەد لەگەڵ ئەم دەربڕینەیاندام بەڵام ئەو پاشبەندییەى کە لە ڕوونکردنەوەکەدا هاتووە و دەڵێ : ( بێ مقابل ) ! ئەمەیان سەد لە سەد وانیە و ناڵێم پارە و پولیان چنیوەتەوە بەڵکو مەبەستم ئەوەیە قسورتان بۆ داشکاندنى ماف و خەباتى پێشمەرگە دێرینەکان نەکردووە بۆ ئەژمار کردنى خەبات و مێژوویان بۆ خزمەت کەسوکار و ئەتباعەکانى خۆتان .

باس لەوە دەکەن گوایە هەندێک کەسیان نەناسیوە و ... تا دوایى ، بەڵام توخوا تو ئەو ویژدانەى بۆ خزمەتى مەرامەکانى خۆتان بەکارتان بردووە ، کەستان هەن مام جوامێر نەناسن و نەزانن چەندێک لە خۆتان جوامێرترە ؟ یان مام ئەسکەندەرى ماندونەناس کە لە کاتى خۆى شەرمم بە خۆم دەهات منیش لەگەڵ ئەواندا بە فیئەى سێ هەمان موچە و لە هەمان جێگادا وەربگرم ، من هەتا ئەوانم نەدەبینى خۆم بە مەغدور دەزانى کە حاڵى ئەوانم دەبینى ئێوەم بە مەلعون دەزانى کە چ غەدرێکتان دەرهەق بە هاوڕێکانتان ئەنجام داوە ! خۆ هەمووشتان پۆڵا زیندانى و هاوسەرە بەڕێزەکەى باش دەناسن ، تو ویژدانەکەى خۆتان پێمان بڵێن چیتان بۆ خۆى کردوە کە جگە لەوەى بەهەوڵى هەردووکمان و بە هەزار نارى عەلى بە ( ملازم یان نقیب ) خانەنشین کرا کە پێشمەرگەى پێش ساڵانى هەشتاکانە و دانەبڕاویشە و لە پێشمەرگە سەرەتاییەکانى حیزبە و 14 ساڵ تەمەنى لە زیندانەکانى بەعسدا لە پێناوى حیزبدا بەسەر برد ، ئەو قارەمان و ماندوو ترە یان ئێوە ، ئایا هاوسەرەکەى ئەویش شایستە نیە باى ئەوانەى خۆتانى بۆ بکەن کە بە فیعلى پێشمەرگەیەکى چەکدارى نێو داروبەندەنەکانى بارەگاکان بوو ، خێرتان دەگات تۆزێک بە ویژدانەوە وەرنە مەیدان هەرچەندە ڕووى هاتنە مەیدانتان کەمە ، ئەگەر وانیە فەرموون لیستى خانەنشینییەکانتان ئاشکرا بکەن و ئەو وەختە بە کەیفى خۆتان لوتبەرزانە هەروەکو لە ڕوونکردنەوەکەتاندا هاتووە ، دڵڕەش و بێویژدان و کۆمەڵە سیفاتێکى تر بدەنە پاڵ خەڵکانێک کە بێویژدانییەکانتان ئاشکرا دەکات ’ شەرمە خۆتان وەسفى خۆتان دەکەن ( من مدح نفسە فهو کداب ) و ستاییشى ئەنجومەنى باڵا و بە تایبەت هاوڕێ حەمەڕەشید قەراغى و هاوڕێ عەتا پێویست ناکات ، کە خۆتان ناوتان هێناون چونکە ئەوە نیشانەى گومانە نەک گومان ڕەواندنەوە ، ئەو سیفەتانەى دەیدەنە پاڵ هەقبێژان تەنها لە کەسانێک دەوەشێتەوە کە ناحەقى دەکات ، ئەوەى نووسینێکى لەم چەشنەى ئەوەى ئێوە بنووسێت لە نووسینى کەسانێک ناچێت ڕۆژێک لە ڕۆژان پێشمەرگەیەکى ئازا بووبێت ، ئەم جۆرە نووسینە پڕ لە ستاییش و بەخۆداهەڵدانە لە کۆڵەپشتى هیچ پێشمەرگەیەکى دێریندا جێگاى نابێتەوە ، جا دڵشاد کۆیى حەوەجەى برسێتى بکرێت یان ئاشتى گەرمیانى بەسەر عارەبانە ئیفلیجییەکەیەوە چاو لە ڕێتان بێت ئەمانە بەلاى ئێوەوە هیچیان گرفتێک نین بەقەد ئەوەى کە ناشەفافن لە کاروبارەکانتاندا و ناشەفافییش هێماى گەندەڵییە و ئەگەر واش نیە فەرموون ئەوە ئەرز و ئەوە گەز لیستەکانتان بۆ هاوڕێکانتان ئاشکرا بکەن تا منیش لاى خۆمەوە لەگەڵ لیستە پیس و پەڵۆسەکانى ڕابردووتاندا بەراووردێکى بکەم ، ئەگەر پەندتان وەرگرتبێت و چاکسازیتان تێیدا کردبێت ئەوسا هەموو ئەو دڵڕەش و بێویژدانانەى کە ئێوە باسیان لێوە دەکەن با سەڵاوات لە ڕَوحى شەریفتان بدەن .

لە ماوەى ڕابردوودا هەواڵێکم بەرگوێ کەوت گوایە لەسەر نووسینێکى ناڕازێتى پێشمەرگەیەکى دێرین نیاز وابووە سکاڵاى لەسەر تۆمار بکرێت ، ئەو هاوڕێیەش ئاگادارى کردمەوە و منیش پێم ڕاگەیاند و وتم : بڕوا مەکە چونکە ئەگەر باس لە سکاڵا بکرێت ئێمەومانان زۆر لە دواوەى مەمۆى هەولێر و فەتاح کتکەیى کەرکوک و هێمنە ڕەشى سلێمانیداین .

کرتە لەسەر ئەم لنکە بکە:
http://www.penusakan.com/kur/bo-raber-reshid-le-7izby-shw3y-kurdistanewe.htm

ماڵپه‌ڕی هیوا ره‌ش