٧\١٢\٢٠٢٠
هەراوهۆریای
پەرلەمان و مووچەی خەڵك.
دەشتی جەمال
گرژی و ئاڵۆزی و نمایشی ئەندام پەرلەمانە تێر و
تەسەلەکان لە پەرلەمان!!
و نیشاندانی گرتەی ڤیدیۆیی، وەڕێخستنی شانۆی دەهۆڵکوتان و هەراوهۆریا
سازکردن و بەخشینەوەی درۆی پێشتر ئەزموونکراو لەلایەن فراکسیۆنی حیزبە
سیاسییە دز
و تاڵانچیەکان، گوایە شەڕی داهات و شەفافیەت و چاکسازی دەکەن،
بەکردەوە دەرکەوتووە، کە حیزب و بزووتنەوە سیاسیەکانی خۆیان، سەرچاوەی
هەموو ئەو موسیبەت و کوێرەوەریانە کە رووبەڕووی چینی کرێکار و جەماوەری
بێبەشی کوردستانیان کردۆتەوە. هەر حیزبی ئەو فراکسیۆنانەن کە دۆخێکیان
خوڵقاندووە کە بەبڕینی مووچە و لێبڕین و دواخستنی خەریکە ژیان بەمانای
وشەکە، لە هاوڵاتیانی بێبەشی کوردستان دەسەننەوە. بێ باکی سەبارەت
بەدۆخی کۆرۆنا ڤایرۆس، جینۆسایدێکی ئاشکرا بەسەر خەڵکی بێبەشدا
سەپێنراوە ئەگەر کەمترین بەرپرسیاریەتی دەسەڵات و حیزبە چاوچنۆکەکانی
هەبوایە ئەو هەموو مەرگە هەرگیز نەدەبووە کابوسی کۆمەڵگەی کوردستان.
ئەم هەنگاوانەی پەرلەمانتاران بەرهەمی ناکۆکی و ڕێکنەکەوتنی نێوان
حیزبەکان و قەیرانێکی سەراپاگیر و بنەبەستێکە کە دەسەڵات و حکومەتی
کارتۆنی هەرێمی کوردستان و حیزبە پکێهێنەرەکانی تیادا نقوم بوون و
وەڵامیان نییە بەکێشەو گرفتەکانی خەڵک، بێوەڵام راوەستاون و دەریچەیەك
نابیننەوە لەبەرامبەر ناڕەزایەتیەکانی خەڵکدا بەغەیری ئەوەی خۆڵ بکەنە
چاوی خەڵك و خۆیان بدزنەوە لە بەرپرسیارێتی چەندین ساڵەیان کە دەستیان
لەنێو کایەکانی ئەو حکومەت و دەسەڵاتە سەرکوتگەرەدایە، بەتایبەتیش
یەکێتی و گۆڕان وەکو دوو حیزبی بەشداری نێو کابینەی نۆهەمی مسرور
بارزانی.
لەکاتێکدا خەڵکی کوردستان ئەو ڕاستیە باش دەزانن کە زۆنی سەوزو نیلی
لەژێر قەلەمڕەوی یەکێتی و گۆڕاندایە کە رۆژانە دەیان ملیۆن دینار
دۆلاری خاڵە سنوریەکان و باچ و روسومات و داهاتی نەوتی دزراو وە
قازانجی سەدان کۆمپانیای حیزبی و داهاتی دەرمان و کۆمپانیای سیکورتی و
نەخۆشخانەی ئەهلی بەرپرسەکان و ناوەندی پیشەسازی و بازرگانی بە مەوادی
هۆشبەرەو دەیان بنکەی بازرگانیان بەدەستەوەیەو یەکێتی شەریکی
ڕاستەقینەی پارتییە لەدزی و تاڵانکردنی داهات و سامانی کوردستاندا.
کێشەی ئەم پەرلەمانتار
و حیزبانە لەگەڵ پارتی وەك هێزی باڵادەست
لە کوردستاندا ئەوە نییە ئاو و کارەبای ٢٤
سەعاتە بۆ خەڵک دابین بکەن،
خۆشگوزەرانی و بیمە کۆمەڵایەتیەکان لە چەشنی بیمەی بیکاری و کاری
گونجاو بۆ بێکاران دەستەبەر بکەن، ماف و ئازادی فەردی و
مەدەنیەکانی
خەڵکی کوردستان بەستانداردێکی جیهانی بکەنە یاسا، یان ستانداردی سیاسی
و کۆمەڵایەتی کوردستان بەشێوەیەکی مۆدرین سکولار ڕێك بخەن، کۆتایی
بەتوندتیژی وکوشتنی ژنان بهێنن و یەکسانی هەمەلایەنە جێبخەن، خۆیندن و
پەروەردە ڕێک بخەنەوە، داهاتی بەتاڵانبراوی سنورەکان بگێڕنەوە و مووچەی
فەرمانبەرانی پێبدەن وەیا سنورێك بۆ دەستدرێژی هەررۆژەی دەوڵەتانی
ناوچەکە لەسەر ژیانو گوزەرانی خەڵك دابنێن... هەر بۆیە ئەم هەراو
هۆریایانەی پەرلەمانتارەکانتان بەقەد تاڵە پوشێک پەیوەندی بە
بەرژەوەندی و مووچەو مافە دزراوەکانی خەڵکی کرێکارو زەحمەتکیشی
کوردستانەوە نییە، کێشەی ئەوان ئەوەیە ئەم سیستەمەی ئێستا قازانجی
سەرمایەکانی ئەوان مەیسەر ناکات، لەبەشی خۆیان ناڕازین، منەت بەسەر
خەڵکەوە مەکەن پاساوەکانتان پوچ و بێبناغەیە، بەکەڵك وەرگرتن
لەناڕەزایەتیەکان و توڕەی خەڵك بەرامبەر بێمووچەی و نەداری دا
دەیانەوێت بەسەر پلیکانەکانی ناٌڕەزایەتی قوڵی خەڵك و نەفرەت لەم
دەسەڵاتە، سەرکەون تا بنکەو پێگەی سیاسی خۆیان بەهێز بکەن، ئەوان
نۆێنەری سەرمایەدارو پارەدارن کە فرسەتیان پینادرێت بەشی خۆتان لەدزینی
ڕەنجی خەڵکی کریکارو زەحمەتکێش و دەستەنگی کوردستان بخۆن، کۆبوونەوەی
لوتکەو هاندانی خەڵك بۆ گەڕانەوە بۆ بەغدا و خۆشباوەڕی بە کازمی و
پەرلەمانی عەسابەکانی ئیسلامی و تایفی و قەومی لەبەغدا کە دووبەرەکی
قەومی دەنێنەوەو بەنەفەسەی رژێمی سەرکوتگەری بەعس مامەڵە بەماف و
داخوازیەکانی خەڵکی کوردستان دەکەن و خەڵکی عێراقیان لەگەڵ بێمافی
هەژاری و داپڵۆسینی ناڕەزایەتیە بەرهەقەکانین کە لەخوینی هەڵدەکێشن.
هەوڵێکی حەقیرانەی ئەو لایەنە سیاسیانەیە کە زۆر باش دەزانن لەسەردەستی
کازمی حکومەتە شکستخواردو یەک لەدوا یەکەکاندا چ بەڵایەك بەسەر خەڵکی
عێراقدا هاتووە، بەڵام دەیانەوێت تۆوی فریوکاری لەنێو خەڵکی کوردستان
بڵاوبکەنەوە.
خەڵکی کوردستان و ناڕەزایەتیەکانی کەماوەی ١٠ رۆژێکە بەهۆی دواکەوتنی
مووچەو بایکۆت لە فەرمانگەکانی چەند شاری کوردستان دەستیپێکردۆتەوە وە
ڕێگا چارەیەکی واقعی و کارساز بۆ رزگاری خەڵك لەدەرەوەی فەلەکی سیاسەتی
فریوکاری ئەم حیزبانە و تێكوپێکدانی ئەو سیستەم و یاساو رێسایەیە کە
هەردوو حیزبی دەسەڵاتدار پارتی و یەکێتی وەك دوو دەسەڵاتی کۆنەپەرست و
میلیشیاو تاڵانچی لە سی ساڵی رابردوودا لەسەر ژیانی خەڵك بەڕێوەیان
بردووە، بەرێخستنی بزووتنەوەیەکی ناڕەزایەتی سیاسی بە ئاسۆیەکی
شوڕشگیرانە بۆ تەفروتوناکردن و وەلانی ئەم دەسەڵاتە ستەمگەرە لەسەر
ژیانی خەڵکی کوردستان و نەوەکانی داهاتوو ئەرکێکی دەسبەجێی هەڵسوڕاوانی
چەپ و کۆمۆنیست و ئازادیخوازنە بۆ دامەزراندنی دەسەڵاتێکی پشتبەستو بە
ئیرادەی راستەخۆی جەماوەری بەشمەینەت.
ئێستا کاتی ئەوەیە ئەو بەش و کەرتانەی داهاتی خۆیان هەیە، وەکو هاتوچۆ،
ئاو، کارەبا، شارەوانی، تەندروستی و تاپۆ... لە کۆبونەوەی کرێکاران و
کارمەندانی خۆیاندا، نوێنەرانی خۆیان هەڵبژێرن و داهاتی ئەو جێگایانە
لەلایەن ئەو نوێنەرانەوە دابەشی سەر کرێکار و کارمەندەکانیان و
پێداویستیەکانیان بکرێت و داهاتی زیادەش لە سندوق و خەزینەی ئەو
بەشانەدا هەڵبگیرێت، یان دابەشی سەر ئەو کەرت و بەشانە بکرێت، کە خۆیان
داهاتیان نییە، وەکو مووچەی مامۆستایان و خانەنشینان... هاوکات لە
گەڕەکەکان کۆمیتەو ئەنجومەنەکان دروست بکەن کاروباری کۆمەڵگا بەدەستەوە
بگرن و نۆینەرانی هەڵبژیراوی خەڵك داهاتی خاڵە سنوریەکان سەرپەرشتی
بکەن لە باج و ڕسومات و داهاتەکان مووچەی فەرمانبەران و کارمەندان و
کرێکاران دابینبکەن، چەکداری گشتی لە گەڕەکەکان لەئاستی شارو
شارۆچکەکان دروست بکرێت، بانگەوازی رۆڵەی کرێکارو زەحمەتکیشی دەوری ئەو
حیزبانە بکرێت بەهێزی چەکداری پاراستنی جەماوەریەوە پەیوەست بن،
ناڕەزایەتیەکان لەم پەرشوبڵاوی و راوەستاوی و بەتەنها بایکۆتکردنە
دەربکێشرێت و بەدڵنیایەوە هەر دەسکەوتێکی سەرکەوتووی خەڵک لەم
هەنگاوەدا لەگەڵ پشتیوانی جیهانی ئازادیخوازان بەرەوڕوو دەبێت. رۆڵی
کۆمۆنیستەکان خەباتگیڕانی ئازادیخوازو لەم نەبەردیەدا چارەنوسسازە.
٢\١٢\٢٠٢٠
ماڵپهڕی دهشتی جهمال
|