|
|
|
١٧\٧\٢٠١٢
ئیسپانیا،
ناڕەزایەتی کرێکارانی کانەکان، پشتیوانی کۆمەڵگا بەدەست دێنێ!
کرێکارانی ئەم بەشە کەلەباکوی ئیسپانیا دەژین و نزیکەی ٢٠٠ کرێکار ڕێگایەکی نزیکەی ٥٠٠ کیلۆمەتریان بەڕێپێوان بڕیوو وبەرەو مەدرید کەوتنەڕێ، ئەم ڕیپێوانەش پێشوازیەکی گەرمی لەلایەن کرێکاران و باقی خەڵکی پایتەخت لێکرا. بەھۆی ئەوەشەوە کەژمارەیەک لەکرێکارەکان لەم ڕێپێوانەدا بەجلی رەشەوە بەشداریان کردبوو، ناویان لێنا "ڕێپێوانی ڕەش" کەھێمایە بۆ ناڕەزایەتیەک بەدژی دەوڵەتو سیاسەتەکانی، بەدژی ئەو ھێرشەی کەبۆسەر ژیان وکاری کرێکاران وھاوڵاتیان بەڕێخراوەو بەسیاسەتی لێگرتنەوەی ئابوری ناسراوە. سیاسەتێک کەزیاتر لە ٣٠٠ ملیۆن یۆرۆوە بۆ سەدو یانزە ملینۆن یۆرۆ لەئەنجامی کەمکردنەوەی خزمەتگوزارەیەکان کۆدەکاتەوەو شەپۆلێکی بێکاریشی بەدواوە دەبێت. بەتایەبتی لەبەشی پێشەسازی دەر‌ھێنانی کانزاکاندا.
ئەم ناڕەزایەتیەی کرێکارانی کانەکان زۆرناوچەی تری بەخۆیەوە گرتووەو لەھەندێ ناوچەش پێکدادانی لەنێوان کرێکاران وھێزەکانی پۆلیسدا بەدواوەبووە. ئەگەرچی یەکێک لە کرێکارانی مەعدەن لە خۆپیشاندانەکاندا دەڵی ئێمە داوای شتێکی زیاتر ناکەین لەوەی کەڕێکەوتننامەی ئیتحادیەکەمان لەگەڵ دەوڵەتدا لەساڵی ٢٠٠٦ دا ئیمزای کردووە، ئەویش ئەوەیە کەبەپێی ئەو ڕێکەوتنە ھەقدەستەکانمان نابێت کەم بکرێتەوە. ھەروەھا مانۆئل ئەلونسۆ کەکرێکارێکی عدەنچی خانەنشینەو ٢٣ ساڵ کاری کردوە دەڵێ" دەوڵەت دەبێ ئەوە ببینێت و بزانێت کەھەموو ئیسپانیا ناڕازیە، نەک تەنھا کرێکارانی کانەکان بەڵام ئەوە کرێکارانی کانەکانن ئێستا کۆبۆتەوە و ناڕەزایەتی ھەیە".
یەکێک لەڕابەرانی ئیتحادیەکان دەڵێ: خوازیاری ھیچ دەرگیریەک نین لەگەڵ پۆلیس، بەڵکو خوازیاری ڕێگای گونجاو و ئاقڵانەین بۆ چارەسەری کێشەکان، وەکێشەی کرێکارنی مەعدەن پەیوەستە بەسیاسەتی وەزارەتی پیشەسازی و ووزەو گەشتوگوزارەوە، کەلە ٦٣٪ی پارمەتیە مالیەکان بۆ بەشی خەڵوزی، بڕوە. بەم پێیەش ئەگەر بودجەی بەشی کرێکارانی کانەکان کەمبکرێتەوە ئەوا ٨٠٠٠ کرێکاری کانەکان و ٣٣٠٠٠ ھەزار کاری تر لەم ناوەندەدا، ڕووبەڕوی لێگرتنەوە لەکرێکان وبێکاری دەبنەوە.
|
|
|
