هەر نووسەرەک چەند رستەیەکی نووسی و پاشان گۆتی: ''وەک فلانە کەس کە دەبێژی''، ئەوە دەبی دڵنیا بین لەوەی کە ئەو نووسەرە کاوێژ دەکا و بەر لە قسەی (فلانە کەس)ەکە خۆی هیچی پێ نەبووە، ئەو جۆرە نووسەرە رووکەشانە تەنێ ئەوەن کە رووبەری نووسین پیس و بێزەوەر دەکەن، ئاخەر دووبارەکردنەوە و چەندبارەکردنەوەی قسەی جوانی کەسانی دیکە چ سوودەکی هەیە بێجگە لە هەراسانکردنی خوونەران و بەفیڕۆدانی کاتەکانیان.. یان لەبەرچی ئەو نووسەرانە تا ئەو رادەیە دەبەنگ بن کە هەست بەوە نەکەن خوونەران هیچ پێویستییەکیان بەوان نییە و خۆیان دەتوانن وەک ئەوان و لەوانیش باشتر قسەی (فلان کەس)ەکان بخووننەوە؟!