|
١٢\١\٢٠٢١
کەموکوڕییەکانی
باج لە کوردستان.
شوان سدیق
ڕەخنەی کۆمەڵێک کەس لە سیستەمی باج و
بڕیارەکانی ھەرێم لەسەر ئەوە نییە سیستەمی باجەکە زۆر لۆکاڵ و کۆنە.
بەڵکو ڕەخنەیان ئەوەیە وەکو عێراقچیەک دەردەکەون گوایە ئەو کارەی ھەرێم
نایاساییە و پێچەوانەی سیستەمی عێراقی یەکگرتووە.
بەڵام ئەو کەسانەیش ھێشتا لەدایک نەبووینە دەزانن عێراق چی وێرانەیەکی
فەوزایە، عێراق وڵاتێکی پڕ کێشەو میلیشیایە قانوون و سیستەمی وڵاتێکی
یەکگرتووی لەکوێدایە ئێوە دێن باسی دەستوور و یاسای عێراقی دەکەن.
من ڕەخنەم لە سیستەمی باجی ھەرێم ھەیە بەداخەوە، سیستەمی باج لە ھەرێمی
کوردستان سیستەمێکی زۆر لۆکاڵ و کۆنە بگرە ھێشتا شتێک نییە بەناوی
سیستەمی باج. ئەمەی ئێستە سەرانەیە بە ناوی باج!
بۆچی سیستەمێکی نوێ نییە؟
یەکەم: لە کوردستان سیستەمی بانکی لاوازە و بگرە ھێشتا ئەو سیستەمە
لەدایک نەبووە.
دووەم: داھاتی، تاک و گشتی، کۆمپانیاو بازرگان و خاوەنکار دیار نییەو
نادیارە. خەڵکی ئەمین و دەستپاک لەگەڵ دز و جەردەو گەندڵ جیاناکرێنەوە.
واتە بەشی زۆری کارکردن و مامەڵەکردن بەپێی سیستەمی ئابوری و کەرتی باج
ئەو بازرگانی کڕین و فرۆشت و ھاوردەو ھەناردەیش دەچێتە چوارچێوەی
بازاڕی ڕەش!
سێیەم: لە کوردستان بازاڕ ڕێکنەخراوە، ھەموو بازاڕ لەژێر ھەژموونی
دەستەی باج و وەزارەتی بازرگانی و ئابوری ڕێکنەخراوە و فەوزایە!
چوارەم: جۆری دراو، گرفتێکی سەرەکیەو لە کوردستان بەزیاد لە یەک دراو
مامەڵە دەکرێت..
پێنجەم: ژمارەی کۆمپانیاو ناوەندە بازرگانیەکان، ژمارەیەکی ڕاست نین
دەبێ ھەمویان پێکەوە بەداتایەک کۆبکرێنەوەو سەرمایەیان ئاشکرابێ.
شەشەم: بەچی ستانداردێک باج وەردەگیردرێ، ڕێژەکەی بەپێی کات و وەخت چۆن
گۆڕانکاری تێدا دەکرێ.
پاشان کالاو شتومەکەکانی نێوخۆ و بیانی چۆن جیادەکرێنەوە و باجیان
دەخرێتە سەر ئەم ڕێکارانە بۆ سیستەمی باج پێویستن، بە ستاندارێکی
سەردەمیانەیە.
ئیتالیا
ماڵپه‌ڕی شوان سدیق
|
