١١\٦\٢٠١٢

کشانەوەی کۆمەڵەی ئۆتیزمی کوردستان لە فیدراسیۆنی رێکخراوە ناحکومییەکان.

بۆ بەڕێز: سەرۆکی فیدراسیۆنی رێکخراوە ناحکومییەکانی کوردستان.
بابەت: کشانەوە.

دەستەی کارگێڕی کۆمەڵەی ئۆتیزمی کوردستان لە رۆژی (٨\٤\٢٠١٢) بڕیاریدا بە کشانەوە لە فیدراسیۆنی رێکخراوە ناحکومییەکان، بەھۆی ئەم ھۆکارانەی خوارەوە:

١: دوای سێ ساڵ کۆمەڵەکەمان ھێشتا پەیڕە و پرۆگرامی فیدراسیۆنی نەدیوە و نازانرێ فیدراسیۆن لەسەر چ بنەمایەک کار دەکات و کارەکان چۆن بەڕێوەدەچن و دسەڵاتەکانی چین.
٢: بەبێ پرس و ئاگاداری کۆمەڵەکەمان دەستەی کارگێڕی فیدراسیۆن زیاد کراوە بێ ئەوەی بزانرێ لەسەر چ بنەمایەکە.
٣: ھیچ زانیارییەک سەبارەت بە سەردانەکانی فیدراسیۆن بۆ لایەن و شوێنان و ھاتنی شاندەکان بۆ فیدراسیۆن، بە کۆمەڵەکەمان نەدراوە و ئاگاداری کاروبارەکانی فیدراسیۆن نین. وێرای ئەوەی کە لەدەرکردنی بەیاننامە و کۆنگرە رۆژنامەوانییەکان پرس و راوێژمان پێنەکراوە.
٤: ھەتا ئێستا ھیچ کۆبوونەوەیەک لە نێوان ئێمە و فیدراسیۆن و رێکخراوەکانی ئەندام لە فیدراسیۆن نەکراوە و نازانین ئەرک و مافمان چییە.
٥: ئێمە وەک کۆمەڵەی ئۆتیزم، کۆمەڵەیەکی خاوەن پێداویستی تایبەتین نەک رێکخراوی کۆمەڵی.

لەبەر ئەو ھۆکارانەی سەرەوە دەمانەوێ لە فیدراسیۆن بکشێینەوە و لەم بەروارەوە ئێمە پێوەندیمان بە فیدراسیۆنەوە نەماوە.

لەگەڵ رێزماندا
سەرۆکی کۆمەڵە / رەشاد محەمەد موراد

askautism@yahoo.com