|
|
|
٢٩\١٠\٢٠١٠ کۆچی دوایی پڕۆفیسۆر د.مارف خه‌زنه‌دار.
مرۆڤێک که هه‌موو ته‌مه‌نی ژیانی بۆ خزمه‌تکردنی ئه‌ده‌ب و زمان و فه‌رهه‌نگی گه‌له‌که‌ی خۆی ته‌رخان کردبێ، چۆن نابێ ناوی هه‌میشه له‌سه‌ر زاران و پایه‌بڵند و ڕێزلێگیراویش بێ؟! هه‌ر ئه‌وه‌نده به‌سه بڵێین ئەم پرۆفیسۆرە زیاتر له 60کتێب و به‌رهه‌م و لێکۆڵینه‌وه‌ی ئه‌ده‌بی جۆراوجۆری به گه‌لێ زمان به چاپ گه‌یاندووه. دیاره به کارێکی وه‌هاش خزمه‌تێکی زۆر مه‌زنی ئه‌ده‌ب و ڕۆشنبیریی گه‌ل و نه‌ته‌وه‌که‌ی خۆی کردووه. جگه له‌مه‌ش د.مارف خه‌زنه‌دار سه‌رپه‌رشتی چه‌ندین نامه‌ی ماسته‌ر و دکتۆرای خوێنکارانی کردووه و وه‌کو مامۆستا جێ په‌نجه‌ی هه‌رده‌م دیار بووه.
کۆچکردوو د.مارف خه‌زنه‌دار له دڵی هه‌ر ئه‌ده‌بدۆست
و کوردپه‌روه‌ر و خزمه‌تکارێکی ئه‌م خاک و نه‌ته‌وه‌یه‌دا ده‌ژی.
|
هه‌واڵی
کۆچی دوایی پڕۆفیسۆر د.مارف خه‌زنه‌دار هه‌موو لایه‌کمانی هه‌ژاند. ئه‌دیب
و نووسه‌ر و مامۆستای گه‌وره‌ی کورد مارف خه‌زنه‌دار مه‌زنتره له‌وه‌ی
که ئێمه به خوێنه‌رانی هێژای بناسێنین. هه‌ر یه‌کێک، هه‌ر تاکێکی
کورد به تایبه‌تی له باشووری کوردستاندا، به‌ڵکو له پارچه‌کانی دیکه‌ی
نیشتمانیشدا گه‌ر ڕۆژێ له ڕۆژان که‌وتبێته ناو دنیای خوێندنه‌وه و
نووسین، بیرکردنه‌وه له ئه‌ده‌ب و ڕۆشنبیریی کوردی، ده‌بێ ناوی ئه‌م
که‌ڵه نووسه‌ر و زانا بلیمه‌ته‌ی کوردی بیستبێ.