په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

٢١\٨\٢٠١٩

    کورتە نامەی شیعریی.

         - بەشی هەشتەم -

فەتاح حەسەن

بۆ هەر کوی برۆیت کەنیشکە..
شوێن پێیەکانت هەنگاوی منە.
   *   *   *
هەروەك دەڵێن:
خودا تەنهایە..
بۆ زانیاریت
لە خودا تەنیاتر ئەمنم.
   *   *   *
پێکم دانە.. من هەر خۆمم..
سەرین دانە، دەپێمبڵێن
خەمی کامیان بخۆم،
ئێستا ئەمن؟؟!
   *   *   *
هیچ شتێك
هێندەی دوری تۆ وەرسم ناکات
گەر دەتەوێت وەڕس بم
دە، دوربە لێم.
   *   *   *
هەموو کەس لەیلای خۆی پێ جوانە
هەر بۆیە،
ناشیرین.. بە لەیلای کەس ناڵێم
تا کەس..
بە لەیلام، نەڵێت ناشرین.
   *   *   *
میوانێکی رەزا گران و
یەکێکی دیکەی ئێسك سووك
پێویستان بە خوڵق نییە
یەکەمیان مەرگە و
دوەمیان، ئەتۆی، خانمەکەم.
   *   *   *
دەستم بگرە و سەرپشك بە
بۆکوێم دەبەی بمبە
بێگومان بە،
ئەو شوێنەی کە، دڵت گرتی..
ماڵی منە.
   *   *   *
منداڵت دیوە، بۆ یەکەم جار
دەچێتە ژێر باران و خوازیارە
تنۆکە باران بگرێت؟
منیش ئاوها، گەردنی تۆ.
   *   *   *
نازانم
دەست وەردێنمە نێو سینەت
یا، دەم بنێمە نێو دەمت؟؟
بەم دەست و دەمە،
هەردووکیان بکەم
هێشتا، لام کەمە.

 

دانیمارك / ڤالبی

ماڵپەڕی فەتاح حەسەن

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک