٢٣\٧\٢٠٢٣

    کوشتنی حەز.

دڵکەش قادر

ئەمشەو تەنیام
چاوەڕێی کاتێکم تا وەک کەشێ
      لە ناو باوەشتا بتوێمەوە،
توانەوە چوونەوە ناو باوەشێک

     لە ئەندێشە
     لە بوون
     لە گەڕانەوە بۆ منداڵیی و
     دوورکەوتەنەوە لە پیربوون،
پیربوون، گەڕانەوەیە

       بۆ سەر سەرەتایەکانی منداڵیی و
تۆش بەدیار منەوە تابلۆیەک بکێشە و
میلۆدییەک بسترێنە و

     بە دەنگێکی بەرز بڵێ:

        ''دڵکەش جوانترین تابلۆیە.
            دڵکەش، تابلۆیەکە لە
            نەناسینینی ماندووبوون''.

سلێمانی

ماڵپه‌ڕی دڵکەش قادر