په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٩\۴\٢٠١٠

له‌باره‌ی شۆڕش و شۆڕشی رۆشنبیرییه‌وه‌ - کێ شیوعییه‌؟

ڤلادیمیر ئیلیچ لێنین


و. جه‌لال ده‌باغ 


کاتێک زۆر جاران گوێ له نوێنه‌رانی لاوان و‌ هه‌ندێک به‌رگریکاران له‌ فێرکردنی نوێ ده‌گرین هێرش ده‌به‌نه‌ سه‌ر قوتابخانه‌ی کۆن و ده‌ڵێن ئه‌مه‌ قوتابخانه‌ی تێپه‌ستاندنێکی میکانیکییه‌ ئێمه‌ پێیانده‌ڵێین له‌سه‌رمان پێویسته‌و ده‌بێ ئه‌و شته‌ی باش بووه‌ له‌ قوتابخانه‌ کۆنه‌که‌ی وه‌رنه‌گرین ده‌بێ شێوازی ماندوکردنی بیره‌وه‌ری لاوان به‌ زانستێکی زۆری بێسنوور له‌ قوتابخانه‌ کۆنه‌که‌ وه‌رنه‌گرین که‌ نۆ له‌ده‌ی بێ که‌ڵکه‌و یه‌ک له‌ ده‌شی که‌ ده‌مێنێته‌وه‌ شێوێندراوه.

به‌ڵام ئه‌مه‌ مانای وانییه‌ ئێمه‌ ده‌توانین به‌ ئه‌نجامگه‌یشتنی شیوعییانه‌و به‌ دروشمی شیوعییانه‌ ئه‌زبه‌رکراو به‌س بکه‌ین. شیوعییه‌ت ئاوها په‌یدانابێت. ناکرێت که‌سێک ببێته‌ شیوعی ئه‌گه‌ر بیره‌وه‌ری خۆی له‌ هه‌موو سامانه‌کانی بیریی داهێنراوی مرۆڤایه‌تی پڕنه‌کات..

ئێمه‌ پێویستمان‌ به‌ تێپه‌ستاندنێکی میکانیکی نییه‌. به‌ڵکو له‌سه‌رمان پێویسته‌ یاده‌وه‌ری هه‌موو قوتابییه‌ک به‌زانینی‌ راستییه‌ بنچینه‌ییه‌کان به‌ره‌و پێگه‌یشتن و باشبوون ببه‌ین، چونکه‌ شیوعییه‌ت ده‌بێته‌ هیچ و ته‌نیا ده‌بێته‌ دروشمێکی ده‌ره‌کی، چونکه‌ شیوعی ته‌نیا ده‌بێته‌ لافلێدانێکی ساویلکانه‌ ئه‌گه‌ر ویژدانی ته‌واوی ئه‌و زانستانه‌ی ده‌ستی خستوون‌ نه‌گرێته‌خۆی. ئه‌م زانستانه‌ ده‌بێ هه‌ر ته‌نیا به‌وه‌نده ‌به‌سنه‌که‌ن که‌ تێی بگه‌ن، به‌ڵکو ده‌بێ به‌بیرێکی ره‌خنه‌گرانه‌ تێی بگه‌ن.

 

بۆ ئه‌وه‌ی مێشکی خۆتان به‌ زانینی هه‌موو ئه‌و رووداوانه‌‌ ده‌وڵه‌مه‌ند بکه‌ن که‌ مرۆڤ به‌بێ زانینیان ناکرێ ئه‌مڕۆ ببێته‌ مرۆڤێکی رۆشنبیر. ئه‌و شیوعییه‌ی لافی شیوعێتی لێده‌دات چونکه‌ به‌ئه‌نجامگه‌یشتنی ئاماده‌کراو‌ فێربووه‌ بێ ئه‌وه‌ی کارێکی گه‌وره‌ی جیدی زۆر یان زۆر گران ئه‌نجام بدات به‌بێ ئه‌وه‌ی به‌ چاوێکی ره‌خنه‌گرانه‌ ته‌ماشای ئه‌و رووداوانه‌‌ بکات که‌ده‌بێ به‌ بیرێکی ره‌خنه‌گرانه‌ی تیژ بیانبینێت، شیوعییه‌کی ئاوا ده‌بێ به‌زه‌ییت پێیدابێته‌وه.

هیچ هه‌ڵوێستێکیش ‌وه‌ک هه‌ڵوێستێکی رووکه‌شانه‌ی وه‌ک ئه‌مه‌ ره‌شبین نییه‌.

جا ئه‌گه‌ر من بزانم که‌ من که‌م ئه‌زانم هه‌موو توانای خۆم به‌خت ده‌که‌م تا زیاتر بزانم به‌ڵام ئه‌گه‌ر که‌سێک لافی ئه‌وه‌ی لێدا که‌ شیوعییه ‌و پێویستیی به‌وه‌ نییه‌ که شتێکی جێگیر‌ بزانێت ئه‌وا که‌سێکی وا نابێته‌ ئه‌وه‌ی له‌ شیوعیش بکات.......

.... به‌ڵکو ئێمه ‌ناشتوانێن بنچینه‌ی کۆمه‌ڵگه‌ی نوێی شیوعی بچه‌سپێنین، به‌‌ڵکو ئێمه‌ دواجار ناشتوانین دامه‌زراندنی ئه‌م کۆمه‌ڵگه‌ نوێیه‌ له‌سه‌ر ئه‌م بنچینه‌یه‌ ته‌واو بکه‌ین.....
____________________________
سه‌رچاوه:‌
پڕاڤدا ژماره‌کانی 221-222
5 - 6\10\1920
لێنین ته‌واوی دانراوه‌کان ل298
(دار التقدم)- مۆسکۆ 1966
لێنین له‌باره‌ی شۆڕش و شۆڕشی رۆشنبیرییه‌وه‌.
 

j_dabagh@hotmail.com