|
٢١\١١\٢٠٢٤
لە
نێوان کۆنکرێت
و
ئاسماندا.
ئەرسەلان مەحمود
لەم
بەرزاییەکانەوە بروانە،
دەبینی کات تەنها وەهمێکە،
دەبینم با دەیبا و دەتوێتەوە،
لەناو چاوی پەنجەرەکاندا.
بەیانی و نیوەڕۆ
دوو درۆی گەورەن،
سێبەری باڵەخانەکان
مانگیان خوارد.
درەختەکان، لێرە...
وەک یادەوەرییەکی دێرین،
هەوڵ دەدەن بمانهێننەوە
بۆ سەرەتای بوون .
لە نێوان کۆنکرێت و ئاسماندا
تەنها ڕێگایەک هەیە ئەویش خەونە،
خەونێک کە پەنجەرەکان دەیبڕن.
سەیری خوارەوە دەکەم
مرۆڤەکان وەک دێڕن لەسەر لاپەڕەیەکی سپی،
کە شار ناوی ناوە ژیان.
چ جیاوازییەک هەیە
لە نێوان من و ئاسانسێرەکە؟
هەردووک هەڵدەکشێین بۆ
بۆشاییەک کە ناوی نییە.
ئێستا تێدەگەم
بەرزایی تەنها ڕوانینە
ڕوانینێک دەمانباتەوە
بۆ ناخی بوون.
پایزی
٢٠٢٤ - سلێمانی
ماڵپه‌ڕی ئه‌رسه‌لان مه‌حمود
|
