په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٣\٩\٢٠١٩

 لە شاعیری ئەمەریکایی''لانگستۆن هیوز''ەوە.*

                                   

 لانگستۆن هیوز                        و: نەژاد عەزیز سورمێ


١
   ناوازه‌یه‌ شه‌و.
ناوازه‌یه‌ شه‌و
سیمای گه‌له‌كه‌مه‌.
*
ئه‌ستێره‌كان ناوازه‌ن
چاوی گه‌له‌كه‌من.
*
ناوازه‌یه‌ خۆر،
ناوازه‌یه‌
ڕۆحی
گه‌له‌كه‌م..

٢
   خۆر ئاوابوون.
خۆر ئاوا ده‌بێ،
من گۆرانی بۆ ئه‌و ده‌چڕم..
خۆر ئاوا ده‌بێ
گۆرانی به‌سه‌ردا ده‌ڵێم..
كه‌ شه‌و دادێ
خه‌م دێ
گۆرانییه‌كان‌ پڕ ده‌كا..


٣

وێنه‌ی گه‌نجێكی پێست تاریك كه‌ به‌ ستایلی گۆگان كێشراوه‌.

ته‌پڵی دارستانان به‌ توندی
له‌ خوێنمدا ده‌كوترێ..
(مانگ)ی دارستانان
- مانگی گه‌رمی كێوی -
له‌ ڕۆحمدا ده‌دره‌وشێنه‌وه‌
من
له‌م شارستانیه‌ته‌
دڵڕه‌قه‌
سارده‌
به‌هێزه‌
ده‌ترسم.

_______________________________________
* لانگستۆن هیوز (١٩٠١ - ١٩٦٧): شاعیر و رۆمان و شانۆنووسی ئه‌مەریكایی له‌ ویلایه‌تی میزۆری له‌ دایك بووه. هیوز له‌ به‌رهه‌مه‌كانیدا بایه‌خی زۆری به‌ چینی خواره‌وه‌ی ره‌شپێسته‌كانی ئه‌مەریكا داوه‌، كه‌ خۆشی به ‌ره‌گه‌ز ئه‌فریقاییه. بڕوانه: www.almothaqaf.com/b/c3/902260 
 

ماڵپەڕی نەژاد عەزیز سورمێ

 



 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک