٦\٤\٢٠١٨

ماڵێک بۆ ھەمووان.

ژیشک دەگەڕا بۆئەوەی ماڵێک بدۆزێتەوە ھەتابە ئاسودەیی تیایدا بژی، لەھەمان کاتدا سمۆرەیەکی بچوکیش بە غەمبارییەوە دەیگوت:

- ئەوا زستان بەڕێوەیە پێویستە بە زووترین کات شوێنێک پەیدابکەم تا بمپارێزێت لە ھێرشی سەرما.

لە ناکاو چاویکەوت بە درەختێکی زۆر گەورە، وتی:

- بەڕاستی ئەمە جێگەیەکی نموونەییە بۆ ئەوەی تیایدا بژیم.
لەو کاتەدا ژیشک کە لەمدیوی درەختەکەوە بوو وتی:

- ئۆخەی جێگەیەکی باشم دۆزییەوە بۆ ئەوەی تیایدا بژیم.

بۆیە لە ناو خۆیاندا کردیان بە پرتە و بۆڵە.
ژیشک دەیوت:

- من ئەو درەختەم دۆزیوەتەوە مافی تۆنییە بیکەیتە ماڵ بۆ خۆت.

سمۆرەش دەیوت:

- نا. نا، من لەپێش تۆدا دۆزیمەوە ئەمە بە تەنھا منە.

لەو کاتەدا دوو چۆلەکە لەسەر چڵێکی درەختەکەوە سەیریان دەکرد، یەکێکیان بەوی تریانی وت:

- بڕوانە ئەودووانە ھەریەکەیان دەیەوێت بەزۆرەملێ خۆی بکاتە خاوەن ماڵ پێویستە دادوەر ئاگاداربکەین.
پاشان چۆلەکەکەی تریان وتی:

- بوەستن.. پێویستە بۆ چارەسەرکردنی کێشەکەتان ببرێنە لای دادوەری دارستانەکەمان، پاشان ھەردووکیان برانە لای پەپووسڵێمانکە، کە دادوەری دارستان بوو.پێی وتن:

بۆچی بیر لە چارەسەرێکی تر ناکەنەوە؟؟ جگە لەخۆ سەپاندن و یەکترنەویستن، ئەی بۆچی بیر لەوە ناکەنەوە کە ھەردووکتان لە درەختەکەدا بژین و ھاوکاریی یەکتریش بن؟؟؟!
سمۆرە و ژیشک بەسەر سووڕمانەوە وتیان:

- ئینجا چۆن؟

پەپووسڵێمانکە وتی:

- با سمۆرە ماڵێک لە بەرزایی سەر درەختەکە دروست بکا.. تۆش ئەی ژیشک لە خوارەوە لەبەردەم درەختەکەدابە، پێتان چۆنە؟؟؟
ژیشک وتی:

بە راستیی چارەسەرێکی زۆرباشە.

سمۆرەش بەدەم پێکەنینەوە وتی:

- لەمەودوا دەبینە دوو دراوسێی نموونەیی.
 

farhad.ahmadbarznji@yahoo.com