|
٥\٧\٢٠٢١
مامەی چیڕۆکفرۆش.
رەزا ساڵح
 مـام
فەرهـاد لە گونـدێکی گـەورەی کوردستاندا، لەگەڵ خـێزانەکەیـدا بە خۆشی
دەژیـان. پیـاوێـکی چیڕۆکخـوانی روخـۆش و قـسەخـۆش بـوو. هەمـووان
خـۆشـیان دەویـسـت. تا رادەیـەکـیش دەیتـوانی بە کـوردی بخـوێـنێـتەوە
و بنـووسـیـت.
مام فەرهـاد هـەر لە منـداڵییەوە هـۆگری چیڕۆک بـوو. لە داپیـرە و
باپیـرە و لە ژنان و پیـاوانی گـونـدەکەیان و لە گـونـدە نـزیکەکـانی
گـونـدەکەیـانەوە، بە دەیـان حـیکـایەت و چیڕۆکی فـۆلکـلۆری و میللیی
رەسەنی کوردیی لێیان وەرگرت. زۆر جار بە خۆشییەوە ئـەو چیڕۆکـانەی بۆ
منـداڵانی گـونـدەکەیـان دەگـێڕانەوە و خـۆشیی دەخـستە دڵـیانەوە.
مام فەرهـاد و پوورە گوڵچـینی خـێزانی. کچـێک و کوڕێکی جـوان و
زیرەکـیان هەبـوو. لە قوتابخانەی گونـدەکەیاندا، قۆناغی خوێندنی
سەرەتاییان تەواوکرد. بەڵام قوتابخانەی ناوەنـدیی لە گـونـدەکەیان
نەبـوو، تـا درێـژە بە خـوێنـدن بـدەن. لـە پێـناوی ئـەوەی کە کچـەکە و
کوڕەکەیـان درێـژە بە خـوێنـدن بـدەن. مانگا و بـزن و مەڕەکـانی
فـرۆشتن و لە شاری سلێمانی خانـوویەکی کـڕی. ماڵـیان باریکـرد و لە
سلـێمانی نیشتەجێ بـوون.
کچـەکە و کوڕەکـەیان، لە قوتابخـانەی ناوەنـدی وەرگـیران و درێـژەیان
بە خوێنـدن دا.
مام فەرهـاد ماوەیەک بە دوای کاردا گەرا، بەڵام هـیچ کارێکی دەست
نەکـەوت. کەوتە بیـرکـردنـەوە، کە دەبـێت کـارێک بکـات بـۆ
دابـینکـردنی بژیـۆی ژیـانی خـێزانەکەیـان.
پوورە گـوڵچـین: پیاوەکە خەرجیمان بەرەو کەمی دەڕوات، پێویست کارێک
بدۆزیتەوە.
مـام فەرهـاد: بیـرم لە کارێـک کـردۆتـەوە.. بە نیـازم لە بەیـانییەوە
تاقـیی بکەمەوە.
پوورە گوڵچـین: بیرت لە چی کـارێک کـردۆتـەوە؟
مام فەرهـاد: بیرم لەوە کردۆتەوە کە رۆژی چەنـد چیڕۆکێک لە چیرۆکەکانم
بفرۆشم؟
پوورە گوڵچـین ـ بە پێکەنینەوە: چیڕۆکەکانت دەفـرۆشیت؟ جا کێ چیڕۆکت
لێدەکڕێت؟
مام فەرهـاد: بە منـداڵانی گەڕەکانی شار دەیانـفـرۆشـم.
دوای نیـوەڕۆی رۆژی دوایی مـام فەرهـاد، چـووە کـۆڵانێکی قەڵـەباڵـغی
گەڕەکـێکی سلـێمانی. منـداڵانـێکی زۆر لە دەرەوە بـوون، چەنـد ژنێکـیش
لەبەردەم دەرگاکانیان دانیشـتبوون و ئاگـایان لە منـداڵەکـانیـان بـوو.
مام فەرهـاد بە دەنگـێکی بـەرز: چیڕۆک.. چیڕۆک.. چیڕۆکی خـۆش دەفـرۆشـم.
ژنـێک: مامـەکە تیـرۆک دەفـرۆشـیـت.. ئـەی کـوان تـیرۆکەکـانـت؟
مام فەرهـاد: نا خـۆشـکە گیـان.. تـیرۆک نا.. چیڕۆک و حـیکایـەت
دەفـرۆشــم.
منـداڵان لـێی کـۆبـوونـەوە: مامـە گیـان کـوان چیڕۆکەکـانـت؟
مام فەرهـاد دەستی بـرد بۆ سـەری و وتی: رۆڵـەکـانـم، چیڕۆکەکـانـم
لـێرەدان.
منداڵەکـان بە کوڵ دەستیان بە قـاقـای پێکەنین کـرد. پێشتر گوێیـان لە
شتی وا نەبـبوو.
مام فەرهـاد: گەر هەریەکەتـان بچـن لەلای دایکانتـان. کەمێک پـارە بێنن
و چیرۆکێکـم لـێبکـڕن. زۆر زیـاتـر پێـدەکەنـن.
منـداڵەکـان چـوون و لەلای دایکـانیـان پارەیـان هـێنا و دایـان بـە
مـام فـەرهـاد و لە دەوریـدا دانیشـتن و جـوان گـۆیـیـان لـێـیگـرت.
مام فەرهـاد چیڕۆکێکی کـۆمیـدیی خۆشی بۆ گـێڕانەوە. منـداڵەکان زۆر زۆر
پێکەنین.
منـداڵەکـان: مامـەی چیڕۆکـفـرۆش، سبەیـنێـش وەرەوە چیڕۆکێکی تـرت
لێـدەکـڕین.
مام فەرهـاد ئەو رۆژە لە سێ کۆڵانی ئەو گەڕەکەدا، سێ چیرۆکی بە منداڵان
فرۆشت و پـارەیـەکی بـاشی دەسکـەوت. لـەو رۆژەشـەوە منـداڵان بـە "
مامـەی چیڕۆکـفـرۆش" نـاویـان دەبـرد.
هاتەوە بۆ ماڵەوە و پارەکەی دا بە پـوورە گـوڵچـین و وتی: گـوڵچـین
خـان ئـەم پارەیـە وەربگـرە، بەیـانی بازاڕییـەکی بـاش بـکە.
پـوورە گـوڵچـین: فەرهـاد گیـان، ئـەم پارەیـەت لە کـوێ بـوو؟
مام فەرهـاد: ئەی نەموت چیرۆکەکانم دەفـرۆشم. ئەمە پارەی فـرۆشتنی سێ
چیرۆکمە.
لەو رۆژەوە کە مـام فەرهـاد، رووی لە هـەر کۆڵانێک دەکـرد، منـداڵان
بەخـۆشیـیەوە، بانگـیـان دەکـرد: وەرە ورە مامـەی چیڕۆکـفـرۆش، چیڕۆکـت
لێـدەکـڕیـن.
لە ماوەی ساڵێکـدا، مام فەرهـاد پارەیەکی باشی دەستکەوت.
پەرتووکخانەیەکی باشی دانا. لەگەڵ چاپخانەیەکێـشدا رێکـەوت. هەرجارەی
چەند چیڕۆکێکی لە چیڕۆکەکـانی چاپ دەکرد و بڵاوی دەکردنەوە. لە
ماوەیەکی کەمـدا دەفرۆشران. پەرتووکخانەکەشی فـراوانـتر کـرد.
پەرتـووكـڕێـکی زۆر بـوون بـە ئـاشـنای. کچـەکەی و کـوڕەکـەشی لە
زانکـۆ سلـێمانیـدا وەرگـیران.
٢٠٢١
- سوێد
ماڵپه‌ڕی ره‌زا
ساڵح
|
