٢\٨\٢٠١٥

    مرۆی قرچ و بڕ.

هۆگر نامۆ

لەو ''دەڤەر''ە هیشک و بریشکەدا
مرۆکان هێندە رووتن
رووت رووت
مرۆ هەیە گوڵ سەردەبڕی
هەیە پەپوولە دەکوژی، وشە کۆت دەکا
هەشە ئاگر لە سروشت وەردەدا!
 

لەو ''دەڤەر''ە هەپڕوونبووە
ئەشق پەڕ و باڵی قرتێندرایە و
بۆنی گووفەکی لێ دێ
سۆز و ئەڤینیش ''مرۆ'' خۆش!
''رک''یش ئاوێکی سازگارە و
مرۆ مەستی خۆی دەکا!
وەختێ کیژۆڵەیەک.. کوڕژگەیەک
دە نێو سەرنجی
هزر و رواڵەت
هەست و نیگا
خۆ گوم دەکەن
ئاوەزی رووت؛ وە تیغ و شمشێریی نەریت
هیوا قوت دەکا و
خۆزگەش سەردەبڕی؟
ئیدی ''قوت'' و ''سەربڕ''
''رک'' و ''رووت''ی
وەک بایەکی پیس
رۆدەچنە بنج و بناوانی
ئەو دەڤەرە و
هووردە هووردە
''پووچ''یان دەکا!
 

ماڵپەڕی هۆگر