په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

 

 نا بۆ(ئیسناد و سه‌حوه‌)،بەڵام...!!!


بەشدار عه‌لی    


لەم دواییانەدا مالکى لە حکومەتەکەى بەغدا دەستى بردووە بۆ چەکدارکردنى خەڵک،تا ئیستاش دوو لە پرۆژەکانى بردۆتە پێش و(ئیسناد و سه‌حوه)ى دورست کردووە،بەگوێرەى هەواڵەکانیش بە هەزاران کەسیش خۆیان ناونوس کردووە،لەبەرامبەردا دەسەڵاتى سیاسى کوردى بە رەسمى نیگەرانى خۆیان نیشانداوە و ترسیان لێنیشتووە بە دورست کردنى ئەو هێزانە بە تایبەت لە شارەکانى کرکوک و مەسڵ و خانەقین و چەند ناوچەیەکى تر،رایاننگەیاندووە پێکهێنانى ئەو هێزانە دیکتاتۆرییە و ئەوانەشى دەچنە رێزەکانى خائین و سیخورن!


یەکێتى و پارتى باش درکیان بەوە کردوە دورست بوونى هێزێکى دیکە لە کوردستان دەسەڵاتى ئەوان لە کۆتایى نزیک دەکاتەوە،باش دەزانن ئەو نهێنیەى لە پشتەوەى مانەوەى ئەوانە نەبوونى هێزێکە کە خەڵک متمانەى پێ هەبێت،بۆیە دەرفەت نادەن و بەهەر شێوەیەک بۆیان لوا بێت نەیانهێشتوە هیچ هێزێک سەرى لە هێڵکە بێنێتە دەرەوە،ئەگەر بە پارە و سامان نەیانتواندبێتەوە ئەوا بە ئاگر و ئاسن کۆتاییان پێهێناوە.دیارە ئەو لۆژیکەش بۆ هیچ هێز و لایەنێک درێژ ماوە نەبوە و نابێت .بۆیە زۆر بە ووریاییەوە مامەڵە لەگەڵ هەموو گۆڕانکارى و دیاردە نوێکان دەکەن.


ئەو رستانەى من پشتگیرى کردن نیە لە دورست کردنى ئەو هێزانە،بەڵکو لاى من مالکى و حکوکەتەکەشى هێزێکى تائیفى-مەزهەبى ئەلقە لەگوێى وڵاتانى دەرەوەن و نوێنەرایەتى خەڵکى عێراق ناکات،ئەوەندەى پەرۆشى بە جێهێنانى خواست و وویستەکانى دەرەوەن،نیو ئەوەندە پەرۆشى کێشەکانى خەڵکى عێراق نین،دورست کردنى هێزى چەکداریش خەڵکى عێراق زیاتر لە نێو شەڕ و نائارامى و بەبەریەت نقوم دەکات.


بەڵام ئەو بەهانانەى یەکێتى و پارتى بۆ دژایەتیکردنى (ئیسناد و سه‌حوه)خستویەتیانە ڕوو واقعى و قەناعاتکەرنین،قسەیەک هەیە دەڵێت(ئەگەر ماڵت لە شوشە بوو،بەرد مەگرە خانوى خەڵکى!)یەکێتى و پارتیش کە تەواوى هێزەکانى خۆیان لەسەر بنەماى ئینتماى حیزبى دورست کردووە،وەرە بەدواداچوون بکە یەک دانە پۆلیس و ئاسایش و زێرەڤانى یەکێتیت لە هەولێر دەست ناکەوێت،لە سلیچمانیش بە هانشێوە کە تاکو ئیستاش نەیانتوانیوە تەنانەت بە رووخساریش لە دامودەزگایەک کۆیانبکەنەوە،چۆن دەتوانن بە لایەنى تر بڵێن لەسەر ئەو بنەمایە هێز دورست مەکەن؟! خۆیان کە بەشى هەرە زۆرى سەروەت و سامان و گومرگ و باج و رسوماتى ئەو کوردستانەیان بۆ پارتایەتى و سوپا و هێز و شەڕى ناوخۆ و پشت شکاندنى بەرامبەرەکانیان تەرخان کردووە،چۆن دەتوانن بە لایەنێکى تر بڵێن ئەمە مەکەن (نا یاسایى و دکتاتۆرییە)؟! کاتێک کە سیخوڕ و هەواڵگرى هەموو وڵاتێک لە ژێر دەسەڵاتەکەى تۆ تەراتێن بکات و تەنانەت نوسینگە و بارەگاشیان هەبێت و بە ئارەزووى خۆیان هەر کارێکیان مەبەست بێت ئەنجامى بدەن،چۆن دەتوانى ئامۆژگارى بەرامبەرەکەت بکەیت تا خۆیان لە سیخوڕى بپارێزن؟!


خەڵکى کوردستان بەدەست نەبوونى برسیەتى و گرانى و بێکارى و سەرگەردانیەوە هاوارى لێهەڵساوە،هەر هێز و لایەنێک خێزان و مناڵەکانى لە نەخۆشى و برسیەتى و گەرما و سەرما رزگار بکات،وەکو فریادەڕەس چاوى لێدەکەن.


ئەگەر پارتى و یەکێتى دەیانەوێت خەڵکى کوردستان لە سیخوڕى و خیانەت و سەرگەردانى پلەدووى و هێرش و پەلاماردانەکان رزگار بکەن و دژى ئەو کەسانەشن ئەو ئەو کارانە دەکەن،با خۆیان نەچنە نێو هاوپەیمانێتى لەگەڵ ئەو کەسانە،بانێکە و دوو هەوا،لەلایەک خۆت هاوپەیمانى سەرەکى حکومەت و پرۆژەکانیەتى،لەلایەکى ترش بە جاش و سیخوڕ ناویدەبەیت و خەڵکى لەبەرامبەر هەڵدەخرێنیت!


با رێگاى جیابوونەوە و دامەزراندنى دەوڵەتى سەربەخۆ بگرنە بەر بۆ ئەوەى تا هەتایە خەڵک لەم جانەوەرانە رزگاریان بێت،(ئیسناد و سه‌حوه)هەوڵێکى ترى ناسیونالیزمى عەرەبیە بۆ گێڕانەوەى هێز و تواناى ناسیونالیزمى قەومى عەرەبى و سڕینەوەى بەرامبەرەکانیان،کەواتە با فریا کەوین وەکو دەڵێن(زەرەر لە نیوەى بگەرێتەوە قازانج حیسابە).