په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١٥\٦\٢٠١١

ناڕەزایینامەی رێکخراوەکانی پرسی جینۆساید

سەبارەت بە رێکخستنی کۆنگرە و کۆنفرانسەکانی تایبەت بە جینۆساید.


بۆ/

بەرێز سەرۆکی ھەرێمی کوردستان..
بەڕێز سەرۆکایەتی پارلەمانی کوردستان..
بەڕێز سەرۆکی حکوومەتی ھەرێمی کوردستان..

ئێمە ئەم رێکخراوو کەسایەتیانەی کە لە خوارەوە ناومان ھاتووە نیگەرانین لە ئالیەتی رێکخستنی ئەو کۆنفرانسانەی سەبارەت بە پرسی جینۆساید بە پشتیوانی حکوومەتی ھەرێمی کوردستان لە ناوخۆو دەرەوە رێکدەخرێن (( نموونەیان کۆنفرانسی نەرویج لە بەرواری ٦-٦-٢٠١١)), ھەروەھا ھەڵبژاردنی ئەو شاندانەی پشکداری تێدا دەکەن , پێمان وایە نا عەدالەتی لە دیاریکردنیاندا پێوە دیارەو ھیچ گرنگییەک بە رێکخراوەکانی تایبەتمەند و کەسایەتییەکانی چالاک و کەسوکاری قوربانیان و لیژنەکانی تایبەتمەند بە داکۆکی لە کەیسی قوربانیان نادرێت .ئەمەش وایکردووە ئەو کۆنفرانسانە کە بەسەروەت و سامانی گەل رێک دەخرێت ھیچ ئاکامێکیان نەبێت و گەل بە ھەدەردانی سامانی گشتی ناوزەدیان بکا.


ئێمە داواکارین لە داھاتوودا بەبێ ئاگاداری ئەو لایەنانەی ئاماژەمان پێیان دا ھیچ کۆنگرەو کۆنفرانسێک رێک نەخرێت و پەیوەندییە کەسییەکان لە رێکخستنی ئەو کۆنفرانسانە نەمێنێت لە دیاریکردنی شاندەکانی بەشدار بووش رەچاوی ئەزموون و پسپۆڕی و ھەڵسوڕان و قوربانیان بکرێ.


١- رێکخراوی ئەنفالەکانی کوردستان
٢- چاودێری کوردۆساید - چاک (نووسینگەی باشوور)
٣- عەلی مەحموود محەمەد
٤- سەنتەری ئەنفال لە دھۆک
٥- رێکخراوی ڤەژین لە بارزان
٦- کۆمەڵەی داکۆکیکار لە مافی کەسوکاری قوربانیانی ئەنفالکراوەکانی گەرمیان
٧- رێکخراوی کۆژان بۆ داکۆکیکردن لە پرسی ئەنفال- کۆیە
٨- کۆمەڵەی زیندانکراوەکانی ئەنفالەکانی کوردستان
٩- کۆمەڵەی قوربانیانی کیمیابارانی ھەڵەبجە
١٠- لەتیف فاتیح فەرەج نووسەر و چالاکڤانی بواری ئەنفال
١١- ساباتی قوربانیانی ئەنفال-کەرکووک
١٢- رێکخراوی کیمیاباران و ئەنفالکراوەکانی بالیسان و دەوروبەری
١٣- ناوەندی رێگا بۆ پرسی ئەنفال و کیمیاباران - دۆڵی جافایەتی
١٤- شێخ سدیق نووسەر و چالاکڤان لە بواری ئەنفال
١٥- رێکخراوی ژیان بۆ ژنانی ئەنفال - کەرکووک
 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک