|
٢٤\١٢\٢٠١١
ته‌وه‌ری ''ئایه په‌رله‌مانی
کوردستان سه‌رسه‌خت و لامله یان کارتۆنییه یان ئاسایی و له‌باره؟''.
نه‌ورۆز حوسێن ساڵح:
چاوه‌ڕێی په‌ڕله‌مان و حکومه‌ت نه‌که‌ین چونکه
به‌رنامه و ئه‌جنده‌ی حکومه‌ت به‌رنامه‌ی حکومه‌تی
سه‌ربه‌خۆی تێدا نییه و باس له فیدراڵیی ده‌کا.
سازدانی: ئه‌مڕۆ
 بۆ
/ زۆر به‌ڕێز ئه‌مڕۆ.
سڵاوتان لێبێ... کۆمه‌ڵگای کوردی له‌مێژه خه‌و به سه‌ربه‌خۆیی
کوردستانه‌وه ده‌بینێ، خواستی هه‌موو گه‌لی کوردستانه که سه‌ربه‌خۆ
بین و بۆ خۆمان کیانێکی ئازادمان هه‌بێ وه‌ک هه‌موو گه‌لانی جیهان، له
سایه‌ی ئه‌و سه‌ربه‌خۆییه نه‌وه‌که‌نمان به خۆشگوزه‌رانیی بژین، قسه‌کردن
له سه‌ربه‌خۆی ئه‌رک و مافی هه‌مووانه و پێوسته له ئاماده‌باشییدا
بین.
له‌مڕۆوه کاری بۆ بکرێ و ده‌زگای تایبه‌ت به‌و بواره دروست بکرێ و
پشتیوانی بۆ په‌یدابکرێ و ئه‌و هه‌سته‌ی که رۆڵه‌کانمان هه‌یانه له‌وه
زیاتر نه‌مرێندرێ، په‌رله‌مانتارانی کورد له به‌غداد بێ سڵکردنه‌وه
کاربکه‌ن شانبه‌‌شانی ئه‌مانیش ده‌زگاکانی راگه‌یاندن و رێکخراوه
کلتووریی و پیشهیی و دیموکراتییه‌‌کان و سیاسه‌تمه‌‌داران و هه‌مووان
ئاماده‌کاریی بکه‌ین ئه‌و هه‌سته‌ی سه‌ربه‌خۆیی به گوێی دۆست و
دوژمناندا بده‌ین، کۆنگره‌ی سه‌ربه‌خۆیی کوردستان سازبکرێ و گرووپی
پشتگیریی و کۆمه‌کی مادیی و مه‌عنه‌ویی په‌یدابکرێ.
چاوه‌ڕێی په‌ڕله‌مان و حکومه‌ت نه‌که‌ین چونکه به‌رنامه و ئه‌جنده‌ی
حکومه‌ت به‌رنامه‌ی حکومه‌تی سه‌ربه‌خۆی تێدا نییه و باس له
فیدراڵیی ده‌کا.
رێکخراوه‌کانی ده‌ره‌وه‌ی وڵات ئه‌رکی گه‌وره‌یان له‌سه‌ر شان ده‌‌بێ و
رێکبخرێن په‌یوه‌ندیی ناوه‌وه و ده‌ره‌وه به یه‌که‌وه ببه‌سترێن.
شه‌کاوه بێ ئاڵای به‌رزی کوردستان.
ماڵپه‌ڕی نه‌ورۆز حوسێن
ساڵح
|
