٢٩\٣\٢٠١٥

نەخشەی زیندان و ناوی جەللادەکانی گرتووخانەکانی کامیاران و سنە.

دوای سەرکەوتنی شۆڕشی گەلانی ئێران و هاتنە سەرکاری ڕژێمی سێدارە ، ماوەی (٣٦) ساڵە گەلانی ئێران بەگشتی و گەلی کورد بەتایبەتی لەلایەن ڕژێمی کۆماری ئیسلامی ئێران ناسراو بە (ڕژێمی سێدارە) سەرکوت دەکرێ و بەهۆکاری نەتەوەیی ، چینایەتی ، ئایدیۆلۆجی ، مەزهەبی ، خەڵکی ڕۆژهەڵاتی کوردستان زیندانی دەکرێن و ئەشکەنجە دەدرێن و بەبێ بوونی پارێزەر و تەنانەت لەدادگایەکی چەند خولەکیدا لەسیدارەدەرێن.

فیدراسیۆنی زیندانیانی سیاسی کوردستان بەمەبەستی ئاشکرا کردنی ڕووی ڕاستەقینەی ئەو ڕژێمە تاوانەکانی بەرامبەر بە زیندانیانی سیاسی کورد ، بەپێوویستی زانی نەخشەی زیندان و ناوی جەللادەکانی ئەو ڕژێمە لە گرتووخانەکانی شارەکانی " سنە ، کامیاران " بڵاوبکاتەوە ، فیدراسیۆن ڕایدەگەیەنێ سەردەمی شاردنەوەی ڕاستیەکان بەسەرچووە ، ئەو کاتەش نزیک بووە جەللادەکانی ئەو ڕژێمە بەسزای گەل و نیشتمان بگەن.

فیدراسیۆنی زیندانیانی سیاسی کوردستان - بەشی ڕۆژهەڵاتی کوردستان نەخشەی گرتووخانەی ناوەندی شاری (سنە) کە لەلایەن خودی زیندانیانەوە ئامادەکراوە و لەگەڵ ناوی ئەو جەللادانەی کە چەندین ساڵە سزای لەسێدارەدان لەو گرتووخانەیە جێبەجێدەکەن بڵاو دەکاتەوە . هاوکات ناوی جەللادەکانی گرتووخانەی شاری کامیاران بڵاو دەکاتەوە کە ئەوانیش چەندین ساڵە ئەشکەنجەدانی زیندانیانی سیاسی کورد بووە بە پیشەی ڕۆژانەیان.

ناوی جەللادەکانی گرتووخانەی شاری سنە کە لەسێدارەدان جێبەجێدەکەن بەم شێوەیە:

عیسا ئەحمەدی (عیسی احمدی)
مەهدی قەوامی (مهدی قوامی)
قاسم ڕەحمانی (قاسم رحمانی)
مەهدی عەباسی (مهدی عباسی - حفاظت زندانی سنە).

فیدراسیۆنی زیندانیانی سیاسی کوردستان - بەشی ڕۆژهەڵاتی کوردستان ناوی جەللادەکانی گرتووخانەی شاری کامیاران ڕادەگەیەنێ کە تیمی تایبەتن بە ئەشکەنجەدانی زیندانیانی سیاسی بەشێوەیەکی دژوار ، ناوەکان بەم شێوەیە:

ئیقباڵی (اقبالی حفاظتی کامیاران)
تەیب نادری - بەڕێوەبەری ناوخۆ (طیب نادری - مدیر داخلە)
ئارش سەفەریانی (آرش صفریانی)
عزەتی (عزتی)
کوهی (کوهی)
خەسرەوی (خسروی)
ئاغای ئەحمەدی (آقای احمدی).
 

فیدراسیۆنی زیندانیانی سیاسیی کوردستان

zindani@fppk.net