٢٩\١١\٢٠١٧

نیگەرانیی چۆلەکە.

داھۆڵەکە لە کێڵگەکەدا چاودێری ئەو چۆلەکەیەی دەکرد کە یاری بە گوڵەگەنمەکان دەکرد، ھەستی بە نیگەرانی دەکرد، بەم کارەی چۆلەکە ھەمیشە لە دڵی خۆیدا دەیگوت: نازانم بۆچی ئەم چۆلەکەیە لێم ناترسێ؟

چۆلەکەکە باش دەیزانی کە چیلکە و پووش و پەڵاش بەسەر داھۆڵەکەوەیە بۆیە لێی نزیک بووەوە و پێیگوت: "من لێتناترسم ئەی داھۆڵ، چونکە دەزانم کە چەند چڵەدارێکیت و جلێکت بە بەردا کراوە".

داھۆڵەکە گوتی: "بەڵام تۆگەنمێک دەخۆیت کەمن پاسەوانیی دەکەم "چۆلەکەکە گوتی: ''بەڵام من برسیمە و بێچووەکانیشم چاوەڕێن''، داھۆڵەکە گوتی: ''ئایا ماندووبوی بە چاندن و ئاودان و بژارکردنی ئەم گەنمە؟؟؟ چۆن لە بەرھەمی خەڵکی تر دەخۆی بە بێ ئاگاداری؟؟؟''.

چۆلەکە گوتی: ''بەڵام من ئەوەندە گێل نیم واز لەم ھەموو گەنمە بھێنم و لێی نەخۆم''.

داھۆڵەکە گریا، چۆلەکەکە بە پێکەنینەوە بە دەوریدا دەسووڕایەوە و جارجارەش لە گەنمەکەی دەخوارد و دەوەراند.

لەو کاتەدا چۆلەکەکە دەگەڕایەوە بۆ ھێلانەکەی خۆی ڕەشەبایەکی توند ھەڵیکردبوو، ھێلانەکەی بەسەر درەختە بەرزەکەوە کەوتبووە خوارەوە و بێچووەکانی لە برسا دەگریان.
 

چۆلەکەکە بە دەنگی بەرز ھاواریکرد: ''ئەی ڕەشەبا وازبھێنە لە ھێلانەکەم کە ماندووبووم لە دروستکردنیدا و بە باوەش پووش و پەڵاشم بۆھێناوە، (ئەوەی بە ماندووبوون بەدەستم ھێناوە لێم تێکمەدە).

ڕەشەبا پێکەنی و چۆلەکەی ترساویش بێ ھیوا... گوتی: "ئەی چۆلەکە لەلام گرنگ نییە،چونکە دەمەوێت بۆخۆم یاریبکەم".

چۆلەکەکە گوتی ''لە جێگایەکی تر یاریی بکە''.

ڕەشەبا جارێکی تر بە پێکەنینەوە گوتی: "من لە تۆ ناترسم چی دەکەیت بیکە؟؟!!".

پاشان چۆلەکەکە بێ ھیوا بوو لە ھێلانەی ڕووخاو و خەمی بێچووە برسییەکانی خەفەتباری کرد و پاشان خراپەکارییەکانی خۆی دەھاتە پێش چاو کە بەرامبەر بە داھۆڵ و جوتیار نواندبووی گریا و ھەستی بە نیگەرانیکرد و لە دڵی خۆیدا گوتی: ''ئەمە دەرئەنجامی خراپەکانی خۆمە ھاتەوە ڕێم، پێویستە لەمەودوا واز لە کار و کردەوەی نابەجێ بھێنم.

farhad.ahmadbarznji@yahoo.com