بیست ساڵ پترە لە سایەی حکومی (پارتی و یەکێتی)ەوە، هەمان خۆراک دەکرێ بە قوڕگی ئەو بیرکردنەوە سەلەفییەدا. شەڕ و پێکدادانە نەگریسەکانیان، نادادپەروەرییەکانیان، گەندەڵییە کارگێڕیی و دارایی و حیزبیی و حوكمڕانییەکانیان، پەلامار و هێرشکردن بۆ سەر بەرەی ئازادیخوازان و کوشتن و بڕینی دەیان کەس لە رۆژنامەنووسان و کەسە رۆشنبیر و ئازایەکانی کوردستان و تیرۆرکردنی گەنجە خۆپیشاندەرەکانی حەڤدەی شوبات و قاچاخچێتی نەوت و بازرگانێتیکردن و خۆدەوڵەمەندکردن بە سەروەت و سامانی خەڵکی رەشوڕووتەوە. ئەمانە و دەیان ئەوەندەی تریش لەگەڵ بەکارهێنانی حیزبە ئیسلامییە سیاسییەکان دژی یەکتری و بەهێزکردنیان لەو پێناوەدا، خۆراکێکی سەرەکیی بوون بۆ ئەو بیرکردنەوە فێندەمێتالیزمەی کە دەڵێ: ''تەنیا چارەسەر ئیسلامی سیاسیی و حکومی قورئانە. (جیهاد محەمەد)