|
١٠\١٢\٢٠١٨
پاشگازیا من د
بوارا کۆچا داوییا
رەوشەنبیرێ کورد،
بھشتی کاک د. جەمال نەبەز دە.
د. زەردەشت ھاجۆ
برایێ برێز کاک د. جەمال
نەبەز،
 من،
زەردەشت ھاجۆ، بەری کو ئەز روو ب روو تە ناس بکم، ناڤێ تە وەکە
کەسایەتیەکە کوردی رەوشەنبیر بھیست بوو. د وێ دەمێ دە، ١٩٧٠ کۆموونزم ل
سەر رما ئاگرێ خوە بوو و ئالیگرێن ڤێ تیرێژا سیاسی د بوارا تەڤەگەرا
رزگاریا نەتەوەیییی کورد دە تو و بیرمەندیا تە ژ خوە رە کر بوونە
ئارمانج و گورا ئاگرێ خوە داڤێتنە تە. وان تو گھ وەکە مرۆڤەکی
پاشڤەمایی و گھ وەکە مرۆڤەکی نەتەوپەرەست دنیشاندن.
گاڤا من د سالا ١٩٧٣ان دە ل زانینگەھا ئازاد ل بەرلنێ دەست ب خوەندنا
خوە کر، من تو روو ب روو ناسکری و دیت، تو چ مرۆڤەکی پایەبلندی. تو
ھنگی ل بەشێ ئیرانۆزانیاریێیی ڤێ زانینگەھێ دۆچەنت بوویی و تو ل ور
بەرپرسیارێ بەشێ زمانێ کوردی بوویی. من وێ دەمێ دەست ب خوەندنا
لنگوستیکێ کر بوو و ل با تە فێری خوەندن و نڤیساندنا زاراڤێ کورمانجیا
نێوەراستیێ زمانێ مەیی کوردی بووم. و ل داویا خوەندنا من تە و پرۆف.
گۆبرەچت خەباتا منی دۆکتۆرا، بەشێ ب ئیرانۆزانیاریێ ڤەگرێدایی نرخاند.
ل سەر پێشنیارا تە دڤی بوو ئەز جارەکە دی ل وی بەشێ خەباتا خوە ڤەگەرم
و ھن دەڤەران د خەباتێ دە باشتر بکم. من شەش مھێن دی ل سەر پێشنیارێن
تە خەبات کر و ل داوی، د پشکنینێ دە من رزامەندیا ئنستتووتا
ئیرانۆزانیاریێ ژ بۆ ڤی بەشێ خەباتا خوە ژ وە وەرگرت.
د پشت رە و ھەتا سالا ١٩٩٣ان پەیوەندیێن مە ب ھەڤ رە خورت بوون. مە
چەند چالاکیێن ب ئەنجام د بوارا زمانێ کوردی دە ب سەر خستن. گاڤا ئەز
سالا ١٩٨٩ان ل باژارێ برەمەنێ / ئەلمانیا بوومە دۆچەنتێ زمانێ کوردی و
مە تێدکۆشا، دا زمانێ کوردی وەکە زمانێ دایکێ ل خوەندەگەھێن برەمەنێ ژ
بۆ زارۆکێن کوردان وەرە پەژراندن، مە جڤانەک ژ شالیاریا پەروەردەیێیا
باژێر ستاند و من تەلەفۆنی تە کر و تو د دەما جڤینێ دە ھاتی و ئەم ب
ھەڤ رە چوونە شالیاریێ. د وێ جڤینێ دە شالیاریا باژێر بریار دا، کو ل
دو خوەندەگەھان ل برەمەنێ زارۆکێن کوردان ب زمانێ دایکێ - کوردی بخوێنن.
پشتی کو ئەم ژ شالیاریێ داکەتن، ب رێ دە تە گۆت: کاک زەردەشت مە ئیرۆ
کارەکی مەزن کر. ب راستی ژی گۆتنا تە راست دەرکەت، ژ بەر ئێدی د دەما
پشت رە دە ل دەڤەرێن فەدەرالێن دن ژی ل ئەلمانیایێ دەری ڤەبوون و
وانەیێن زمانێ دایکێ - کوردی ل ھن ھەرێمێن دن ژییێن ئەلمانیا فەدەرال
ھاتن پەژراندن.
کاک د. جەمال نەبەز،
د ڤان سالان دە پشتی کو مە ھەڤ ب کەسایەتی ژی ناس کر، من ھن پرتووکێن
تە خوەندن و بیرمەندیا تەیی رەوشەنبیری ژی ناس کر. ب گشتی دکارم بێژم،
کو ژ بۆ من بیر و رامانێن تەیی فیلۆسۆفی و جڤاکی ل سەر ئاستا جھانێ
خوەدی باندۆرەکە تایبەتی نە. و د بوارا تەڤگەرا رزگاریا نەتەوەیییی
کورد دە وێ بیر و رامێن تە بنگەھا رزگاریا نەتەوەیا کورد بمێنن.
تو دچی، بلا جھێ تە بھشت بە!
بیر و رامانێن تە ھشتی ناچن، ئەوێ ژ بۆ دادمەندیێ ژ مرۆڤایەتیێ رە تم
رۆناھی بن...
٠\١٢\٢٠١٨
KNC@ribrahim.de
__________________________________________
ماڵپەڕی جەمال نەبەز لەسەر
''ئەمڕۆ'':
www.emrro.com/malpericemalse.htm
|
