تێڕوانینی سیاسیی مافی هەر تاکەکی کۆمەڵە.. هەر کەسەک بخوازی لەمپەر لە بەرانبەر ئەو مافە چێبکا یان بخوازی لە رێی توندوتیژیی و نانبڕینەوە کەسانی دیکە ناچار بکا تێڕوانینی خۆیان بگۆڕن ئەوە کەسەکی ستەمگەر و دیکتاتۆرە، لێ هەر کەسەکیش لە نێو ئەو بارودۆخە پڕ لە جەور و ستەمە نەتەوەیی و نیشتیمانییەدا دەستبەرداری سەربەخۆیی کوردستان ببی و بانگەشەی ئەوە بکا کە خەڵکی کوردستان دەتوانن دەگەڵ دەسەڵاتە رەگەزپەرست و ئیسلامییەکانی تورکیا و ئێران و ئێراق و سوریا بژین و وەها پێشان بدا کە دەکرێ مافە نەتەوەیی و نیشتمانیی و مرۆییەکان لە چارچیوەی ئەو دیموکراسییە پەڕپووت و مافە مرۆڤە پڕوپووچەی دەسەڵاتدارە زلهێزەکانی رۆژاوا وەدەستبخرێن.. ئەوە هیچ گومانی تێدا نییە ئەو کەسە سەرمەستی بەرژەوەندییە تەسک و خۆپەرستییەکانی خۆی یان خۆی و لایەنەکەیەتی و ئامادەشە ماف و ئازادییەکانی میللەتەکەی لە ژێر پێی خۆی بنێ!