|
٣١\٧\٢٠١٥
پێلاوەکانی میللەت
و شکۆمەندیی بەرپرسان.
پێشرەو حەمید
ماف نادرێت و ئەسێنرێت ئەمە تەواو دروستە، ئەوانەی مافەکان زەوەت دەکەن
کێن و ئەوانەی مافەکانیان لێ زەوت دەکرێت کێن و سەربە بەکام چینی
ناوکۆمەڵگان ئەگەر کۆمەڵگا تەێنیف کرابێت بۆچینە جیاوازەکان؟
کوردستانی ئێمە مەملەکەتێکە کە پڕەلەقەیران و نادادپەروەری، چواردەوری
مەملەکەتەکەیشمان دوو ھێندەی قەبارەی قەیرانەکانی چاوی دووژمونانی
لەسەرە و ئەوەندەی تر ھۆکارە بۆ گەورەبونی قەیران و دڵەڕاوکێکانی
ناوخۆیی!!
ئیتر قسەلەسەر ئەوەناکەین کە لەماوەی ٢٣ ساڵدا پارتی و یەکێتی چۆن
مەملەکەتیان بەڕێوەبردەوە و دەبوو چی بکەن و نەیان کرد ، قسەش لەسەر
ئەوەناکەین کە میللەت لەماوەی ئەو ٢٣ سالەدا بۆچی نەیتوانی بۆھەمیشە
بەرپرسان و سیاسیەکان فێری ئەوەبکات کە بەباشی گوێڕایەڵبن و خۆیان
بپارێزن لە نەعەرتەی میللەت!!
قسەی ئێستامان لەسەر شکۆمەندیی بەرپرسان و پێڵاوەکانی میللەتە ،
دەپرسین ئەگەر ئەوانەی بەرپرسن و سەرۆکن و ئەم مەمللەکەتە بەڕێوەدەبەن
مرۆڤن یان بونەوەرێکی ترن و ھیچ ھەستێکیان نیە و لەماناکانی ڕەوشت و
کەرامەت و پیرۆزی ئینسان نازانن ، ئەگەر مرۆڤ بن خۆدەبێت لەکۆی ھەزاران
جار تەریق کردنەوەو ڕوشاندنی شکۆمەندییان تەنھا جارێک شەرمەزارببن و
ھەستی تۆراویان بۆبگەڕێتەوە و لەوە زیاتر خۆیان و خەڵکەکەیان فریو
نەدەن ، خۆئەگەر مرۆڤیش نین ئەوە دیارە لە ئەزەلەوە میللەتی ئێمە
مەحکوم کراوە بە چەوساندنەوە و بەو شێوەش دەبینە یەکەمین مەمللەکەت کە
کۆمەڵێک مەخلوقی جیاواز لەسەر زەوی حوکمیان بکات!!
مافەسەرتایەکان و مافە گشتیەکانی ئینسان مانای سەروەری مرۆڤ بون
دەگەیەنێت بۆھەرمرۆڤێک کە لەوە تێبگات بەھای مرۆڤ بون چییە ھەر بۆیە
مرۆڤەکان شەڕی بۆدەکەن و لەبەرامبەریدا ھەموو پیرۆزیەکانی ناو میژوو
دەخەنە ژێر پێڵاوەکانییەوە ، کاتێک گەنجانی کوردستان شکۆمەندیی سەرۆک و
بەرپرسان دەخەنە ژێر پێڵاوەکانیانەوە ، مانای وانیە کە گەنجان
لەدەرەوەی مۆراڵەوە ئاراستە دەکرێن و درک بە بەھاکانی مرۆڤ ناکەن و
نابەرپرسانە دەجوڵێنەوە ، بەڵکو بەپێچەوانەوە ئەوان مافە زەوتکراوەکان
ئاراستەیان دەکات و توڕەدەبن ، ئەوان ھەست دەکەن کەوەک ئینسانێک ھیچ
بەھایەکیان نەماوە و دەیانەوەێت ببنەوە بەخاوەنی بەھاکانی خۆیان وەک
مرۆڤێک ، ئەوان بەرپرسیارترین چینی ناو کۆمەڵگان و دەیشزانن چۆن و بەچی
شێوەیەک بەرپرسانە مامەڵەبکەن لەگەڵ توڕە بونەکانی خۆیاندان و
کەمتەرخەمی و خەم ساردی بەرپرساندا.
دەرئەنجام ئەگەر بەرپرسان ناتوانن کێشەسەرەتایەکان چارەسەر بکەن و
ناشتوانن لەماوەیەکی دیاری کراودا کۆی کێشەکانی ئێستای میللەت چارەسەر
بکەن، ئەوا یان بەکۆمەڵ بکشێنەوەو لەوە زیاتر خۆیان نەکەنە مەخسەرە و
بەردەوام نەبن لە پۆستەکانیان ، یان ئەگەر ترسیان لە توڕەبونی خەڵک نیە
و ھیچ قورسایی یەکی توڕەبونی خەڵک نابینن و بە ئەقڵی میللەت قاقا لێ
ئەدەن ھەروەک دوو دەیەی ڕابردوو ، ئەوا دەبێت لەکۆتایدا بپاڕێنەوە بۆ
ئازاد کردنی شکۆمەندییان لەژێر پێڵاوەکانی میللەدا.
ماڵپه‌ڕی پێشڕه‌و حه‌مید
|
