|
٦\٨\٢٠١٩
پێشانگای
فۆتۆگرافی "هه‌رێمی حه‌یرانی"
سه‌باره‌ت بە ئێش
و ئازارەکانی نه‌ته‌وه‌ی کورد له تاران کرایه‌وه.
مه‌نسوور جیهانی
 نوێنەرایەتی
حکومەتی هەرێمی کوردستان لە تاران دوێنێ هەینی رێکەوتی ٢\٨\٢٠١٩
ئامادەی کردنەوەی پێشانگای "محەمەد سەیاد" فۆتۆگرافەری ناودار و
بەئەزموونی ئێرانی بە ناونیشانی "هه‌رێمی حه‌یرانی" لە گەلەری "نبش"ی
شاری تاران بوو.
"محەمەد سەیاد" گەورە فۆتۆگرافەری بە ئەزموون و ناودار و یەکێک لە ٥
فۆتۆگرافەری ئێرانییه کە نزیکەی ٥٠ ساڵە لە بواری هونەریدا کار و
چالاکی دەکات.
"محەمەد سەیاد" لە پێشانگای "هه‌رێمی حه‌یرانی"دا نزیکەی ١٠٠ وێنە و
تابلۆی نەخشاندووه لە کۆڕەوەکەی بەهاری ساڵی ١٩٩١ سه‌باره‌ت به
کوردەکانی باشوور بۆ وڵاتی ئێران بە هۆی گوشاریی حکومەتی بەعس و سەدامی
دیکتاتۆڕه‌وه.
ئه‌م فۆتۆگرافەره هەروەها پێشانگاکەی ڕازاندبوویەوە بە وێنەی
سەرکردەکانی کورد و کارەساتی کیمیابارانی هه‌ڵه‌بجه و کۆچی جەماوەریی
کوردستان و به لێهاتووییه‌وه به وێنه‌کانی توانیبووی خەڵکانی ئێران،
جیهان و هۆگرانی فۆتۆگرافی بە ئێش و ئازارەکانی میللەتی کورد لەو
سەردەمەدا ئاشنا بکات.
نوێنەرایەتی حکومەتی هەرێمی کوردستان لە تاران، به بۆنه‌ی کردنه‌وه‌ی
پێشانگای "هه‌رێمی حه‌یرانی" دەستخۆشی، پیـرۆزبایی و ماندوونەبوونی
ئاراستەی "محەمەد سەیاد" کرد و هیوای خواست کە لە ئایندەیەکی نزیکدا
ئه‌م وێنانه بە شێوەی کتێب بڵاوبێته‌وە، بۆ ئەوەی هەموو کەس لە هەر
شوێنێکی کوردستان و جیهان سودی لێوەربگرێت و له درێژه‌دا هیوای
سەرکەوتنیان بۆ ئه‌م فۆتۆگرافەره خواست که به کامێڕاکه‌ی ئێش و
ئازارەکانی نه‌ته‌وه‌ی کوردی بۆ مێژوو تۆمار کردووه.
ماڵپه‌ڕی مه‌نسوور جیهانی
|
