|
٢١\١\٢٠١٤
پۆست بەخشندەیی.
وشەجاڕ
لەگەل تورکێک و تورک؟!مانێک چووین بۆ سەیران!
تا دڵت بخوازێ سەیرانێکی خۆش بوو!
لەگەرمەی نیوەڕۆدا لەو هەردە مارێکی تورک؟!مان تووش بوو! بە هیچ کلۆجێک
بۆم حاڵی نەدەبوو و ناچار بە هەورامیانە لەگەلیا دام بەیەکا! چەن جارێک
چاومان لێک داگرت! خۆم دا بە دەم چاوە زیتەکانیەوە. گۆچانەکەم کردە
بەردەنگی و خۆیشم وەک هەڵۆ چوارچاو بە دیاریانەوە وەستام! وتم با خەشی
خۆی بەو دارە بەستەزمانە بڕێژێت! ماره هار ببو! دەتگۆت گای ناو مەیانی
یارییە و پەڕۆی سووری بینیوە! یەک کیلۆ ئۆرانیۆمی خنراو لە دڵیدا پەنگی
خواردبۆوە! هێندە تۆرکێتی و تووڕکێتی بەسەریدا زاڵ ببو هەورامیانەکەی
منیشی بە زمانی خۆی لێکدەدایەوە! گەر بڵێم سەد تفی کردۆتە ناوچاوی
گۆچانەکەم هێشتا کەمم گوتووە! گۆچانی حاجی عەلی-بڕم جار بۆ جار زیاتر
شووشی هەڵدەستا! تا کەسیرە کەوت هەڵمەتی دا! وەک هەمیشە عەجول و کونجۆڵ!
پڕم دایە ئیمەیلەکەی! تەغارێ مرۆڤ؟قوربانیی بەستەزمانی تێدابوو!
بڵێی مرۆڤ ئاشقەکەیی کوشتبێ وا ئاوا بەکوڵە؟! [بە ڕای من تورک هەرچەندە
هەریش بن بەڵام لەوانەیە ئاشقە و ماشقەیان تێدا بێت؛ بەتایبەت لەناو
مارەکانیاندا!].
وتم: ڕاستە ماریشی و کەریشی و گەرچی زۆر هەوڵت دا من بگەزێ و
هەڵمەتەکانت بۆی خوێنیان لێدەهات، بەڵام سزای کەردۆغان و ئەتاکەر بەسەر
تۆدا ناسەپێنم گەرچی بێگومانم گەریلایشت گەستووە، بەڵام تۆڵەی دڵە
شەهیدەکەم لە تۆ ناکەمەوە!
هەرچەندم کرد نەمتوانی لەحەنایدا مرۆڤ بم! دەوری ئاشقەکەیم بینی و وتم
با خەشی خۆی بە من و گۆچانە حاجی عەلی-بڕەکەم بڕێژێ! پاش یارییەکی جددی
و پاش ئەوەی هەستم کرد ڕازی بوو، دارێکم خستە ناوقەدی و هێواش فڕێم دا
ناو گژوگیاکە!
یارییەکە ئەوەندە خۆش بوو کە گەر فیلمم لێ بگرتایەتەوە لەوانە بوو
خەڵات و مەڵاتیش وەرگرێ!
من و مارێکی سادیست و سەڕڕەی کابرادۆغان ئەکتەرەکانی فیلمەکە بووین!
مارەکە کەسیرە کەوتوو ڕۆی! کەردۆغان سەڕڕەی بڕا و من کەوتمە گێژا،
گۆمڵاتی خەیاڵێکی قووڵ! ئەوە بۆچی مار و مرۆڤ شەڕدەکەن؟! بۆ ...؟ بۆ...؟
وەرگەڕام! برادەرە تورکەکەم پاییزی لێ ببوە بەهار! خەنی ببو، خەنی!
لە تورک؟مانەکە هۆی پێکەنینەکەیم پرسی.
وتی؛ وەرە سەیری گووگڵ ئێرس دەکەین!
- ئێ بۆچی پێدەکەنێ؟
- وەڵا سەیری ولاتانی ناوچەکە دەکات و دەڵێ ئەوەتا هەموویان بوونەتە
وێرانە و بەس تورکیا سەوزە! ئێراق یەکپارچە دووکەڵە! وا ئێران دەبێتە
بیابان! سوریا وێرانە، وێران! ... بەڵام تورکیا هەر سەوزە!
وتم ئێ ڕۆڵە گیان خوا زانیویەتی ئێوە تورکن و ئەوەتا ڕسقی داون!
خولە دیلماج فەرمایشتەکەمی بۆ کرد بە تورکی! لە پێکەنینا هەرتکیان
گڕیان گرت! پێکەنە دەی! ئەوان بە تورکێتیی خۆیان و منیش هەر بە هی
ئەوان و حەفتا پشتیان!
بەڵێ! داڵغەی "پۆست-بەخشندەیی من و ڕازیبوونی مارەکەیش" بە پێکەنین
کۆتایی هات!
هیوادارم مار هەرچەندە تاوانبار بێت، مرۆڤ بە کەریەتیی خۆی بیبەخشێ!
کێ دەڵێ خۆشەویستییەکی ڕاستەقینە ڕۆژێ مار، ببورن مرۆڤەکان؟! شەرمەزار
ناکات!
کێ دەڵێ ڕۆژێ مار و مرۆڤ هاوسەرگیری ناکەن؟!
کێ دەڵێ ئەوین گورگ ناکاتە بزن و پشیلە بە سەگ؟!
کێ دەڵێ من نابمە مامۆستای بیرکاری و بە تەختەسپییەکەوە لە فرمووڵێکدا
پاییز و بەهار یان چلەی هاوین و زستان لێک نادەم؟!
من دڵنیام!...
ماڵپه‌ڕی
وشەجاڕ
|
