په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

  .'' قسه‌یه‌ک له‌سه‌ر له‌خاچدانی '' کاکه‌ ئه‌یوب 

قادر نادر      

 

له‌ڕۆژنامه‌ی کوردستان ڕاپۆرتا  هه‌واڵی شه‌هیدکردنی کاکه‌ ئه‌یوبی 5 ساله‌ , به‌ده‌ستی باوک و زردایکه‌که‌ی  بڵاوکرایه‌وه‌ ، ئه‌مه‌ش وای کردووه‌  ، خه‌نده‌ و له‌شه‌ پرله‌ئازاره‌که‌ی ، له‌زۆربه‌ی کاته‌کانی ئه‌م 3 شه‌و و ڕۆژه‌ دا ، ،له‌خه‌یالما بێت . ‌ئه‌م مه‌رگه‌ساته‌ وای کرد، ژیانی دۆزه‌خ ئاسای منالانی کوردیش بێته‌پێشه‌وه‌  و قسه‌و باسێکی له‌سه‌ر بکه‌ین . چونکه‌  چیرۆکی هاوشێوه‌ی وا ‌ ‌له‌م نێشتمانه‌ی ئێمه‌دا   له‌نه‌بوونی یاسا و نه‌زانینی مامه‌له‌ی باوک و کۆمه‌لگادا ڕوژانه‌ ڕوده‌دات  ‌،  که‌  میلله‌تان له‌روداوی هاوشێوه‌ی وا  هه‌لوێسته ی له‌سه‌ر ده‌که‌ن ‌ و گۆڕانێکی پێک ده‌هێنه‌ ئاراوه‌ . دیاره‌ نمونه‌ی هاو شێوه‌ی وا  له‌ئه‌وڕپای لوتکه‌ی مۆدرنیش هه‌‌یه‌ ،  به‌لام ده‌گمه‌ن و ئه‌و باوک و دایکانه‌ن ، که‌له‌روی ده‌رونیه‌وه‌ ، نه‌خۆش و ئه‌لکحولیستن  ،پێچه‌وانه‌ی کۆمه‌لگاکه‌ی ئێمه‌ ، که‌که‌م مال هه‌یه‌  یوسفێکی وه‌ک سه‌دام  و  قوربانیه‌کی وه‌ک  ئه‌یوبی تیا نه‌بێت ؟؟؟؟‌ .

 

بۆیه‌ باله‌م له‌م چیڕۆکه‌ مه‌رگه‌ساتانه‌ ،  ده‌سه‌لات و کۆمه‌لگای کورد ی ،به‌ ئاگا  بێنێنه‌وه‌  فشاری بخه‌ینه‌ سه‌ر تا یاسایه‌ک دابرێژێت که‌ ئازاره‌کانی منالانی کورد که‌م بکاته‌وه‌ ، ئه‌گه‌رنا ووتار  و په‌خشان نوسین ، چ ئازارێکی منالانی ئه‌م نیشتمانه‌م که‌م ده‌کاته‌وه‌ ؟؟؟.

 

ئه‌وه‌ی ده‌مه‌وێت لێره‌دا بینوسم  ته‌نیا  ئازارێکی په‌نگ خوارده‌ی 3 شه‌و ڕۆژی خۆمه‌ ده‌مه‌وێت  ، له‌به‌رامبه‌ر کاکه‌ ئه‌یوبی ئێسک  سوکا ده‌ریببرم .

کاکه‌ ئه‌یوب هه‌رچه‌ند بیر ده‌که‌مه‌وه‌ ،  ده‌زانم له‌ڕۆژی 12 /2  باوکه‌ زۆرداره‌که‌ت ،   ئه‌و دۆزه‌خه‌ی که‌ له‌ئیسلاما با‌سی ده‌که‌ن ،  له‌سه‌ر تۆی په‌پوله‌دا تاقی کردۆته‌وه‌ ، دلنیام تۆش ئازارت بۆ خودا و ئه‌رز و ئاسمان و باوه‌ تۆبه‌ به‌س ئه‌مجاره‌  ..بردووه‌ ، به‌ لام هه‌یهۆ ، نه‌ دلی خوا و نه‌ به‌ هێزترین پارانه‌وه‌ی  ئازاره‌کانی جه‌سته‌ ناسکه‌کانت ، نه‌رمیه‌کی نه‌خستۆته‌ ناو  دڵه‌به‌رده‌که‌ی  به‌ناو باوک و به‌ کرده‌وه‌ ئه‌ژدیهاکه‌که‌ته‌وه‌  .

 

کاکه‌ ئه‌یوب گیان،  ده‌زانم ئه‌وه‌ی تۆ بینیت ، دوعاو ره‌یانی هاوزمانت ،  له‌ماوه‌ی یه‌ک سالی ڕابردودا ، وه‌ک تۆی په‌پوله‌ ئاسا  توشی بوون ، زۆری هاوشێوه‌ی ئێوه‌ش به‌ڕێوه‌یه‌ له‌خاچ بدرێت  له‌خاچ .

 

کاکه‌ئه‌یوب  زۆر ده‌مێکه له‌هه‌نده‌ران ‌ وازمان هێناوه‌ که‌بۆ  سه‌رکرده‌و پێشمه‌رگه‌ بگرین  ، فرمێسکه‌کانی شه‌وانمان ، د لۆپ دلۆپ له‌ ئه‌ورپای به‌هه‌شت ئاسا ،  بۆ منالانی وه‌ک ئێوه‌  و بنه‌ماله‌ی قوربانیانی ئه‌نفال وهه‌له‌بجه‌یه‌ ‌ ، ئاخر ئێوه‌ راسته‌ ده‌ژین ،  به‌لام  ژیانێک به‌سه‌رده‌به‌ن که‌ته‌نیا مافی هه‌ناسه‌و خورادنێکی مه‌مره‌و مه‌ژی کۆلانێکی خؤلاوی و پڕ له‌قورولیتاوتان هه‌یه‌   .  ئای کاکه‌ئه‌یوب ده‌زانم تۆرۆیشتی ، به‌لام به‌ده‌یان هه‌زار مناڵی نیشتمانه‌که‌م سه‌رباری ئه‌شکه‌نجه‌دانه‌کان ، ناتوانن له‌نێوان چه‌ندین مانگدا یاریه‌ک بکرن ، خه‌ونێکی بچوکیان جێ به‌جێ بکه‌ن  ، جلێکی جوان به‌ئاره‌زوی خۆتان بکڕن   ... به‌ڵێ ، ئێوه‌ به‌ شمه‌ینه‌ت و بێبه‌شن ‌ ، ‌‌ له‌هه‌زاران خۆشی  ژیان  و یاسای پڕله‌ خزمه‌تگوزار له‌م نیشتمانه‌ پرله‌دۆلاره‌دا   .

کاکه‌ئه‌یوب  ئه‌وه‌ی به‌سه‌رتۆی 5 ساله‌ دا  هاتووه‌ ، به‌هه‌مان شێوه‌ ،  له‌پێناوی کوردستانێکی  دادپه‌روه‌را ، زۆر پیاو  ژنی قاره‌مانی ئه‌م گه‌له‌ ، روبه‌روی بۆته‌وه ، ‌ به‌لام ئه‌وان له‌بڕی یوسفی باوکت ،سه‌دام جه‌لاده‌که‌ بوو ، له‌بری قوربانی هاوشێوه‌ی ئێوه‌ ،  گه‌لێک بووه‌ که‌به‌ده‌ستی رژێمێک ‌سه‌رتاپای له‌خوێن و ترسدا نقوم ببوو  .

 

به‌لی ده‌یان وسه‌دان هه‌زار منال له‌م نیشتمانه‌ ده‌ژیت به‌لام چۆن ژیانێ‌ک ، ته‌مه‌نی 6ساله‌  ،‌ له‌بری ئه‌وه‌ی ناز و یارمه‌تی بدرێت ده‌بێت  خێزانێک به‌ خێو بکات و کۆلان به‌کۆلان بگه‌رێت و هاوار بکات بلێت  یاڵا پاقلاوه‌ وجۆکلێت و پاکه‌ت  .. سه‌ره‌رای هه‌موو ئه‌مانه‌ش ئاخۆ ده‌بێت له‌کام  کۆلانا  روبه‌روی  ترس و ئازارببێته‌وه‌ له‌کاتێکدا بودجه‌ی خه‌لکی کوردستان چه‌ندین ترێله‌ دۆلارا.

.

ئای کاکه‌ ئه‌یوب له‌ئه‌وڕپای به‌هه‌شت ئاسا له‌گه‌ل بیستنم بۆ  هه‌ر یاسایه‌کی خزمه‌تگوزارا  بۆ منالان   ، بیرکرده‌نه‌وه‌م  وه‌ک کۆتر ده‌فڕێت  بۆ دۆزه‌خ ژیانی منالانی نێشتمانه‌که‌م  ، ئاخرده‌زانن  لێره‌ بۆمان نیه‌ له‌منال و ئاژه‌لیش بده‌ین .  چه‌نده‌ ئێوه‌ ترستان له‌ باوک وبرا جه‌لاده‌کانتانه‌ ‌ ،باوک ودایکانیش   به‌هه‌مان شێوه‌ ، له‌یاسایه‌که‌ که‌ ڕێگره‌ له‌ئازاری مناڵا  .  ئاخر لێره‌ هه‌موومناڵێ که‌هه‌ستی جولا ،   فێری ده‌که‌ن لێدان به‌رامبه‌رتان   به‌هه‌موو جۆرێك  یاساخه‌  . ؟؟؟ ئای قوربه‌سه‌ر ئه‌و باوکه‌ی که‌بزانن له‌ماله‌وه‌ له‌گه‌ل مناله‌که‌ی خراپه‌ ، بێدودلی منال ده‌بێته‌ کوری حکومه‌ت و زۆر ئه‌سته‌م ده‌بێت جارێکی تر چاوی باوک و منال به‌یه‌کتر بکه‌وێته‌وه‌ . به‌لی یاساکانی ئه‌وڕپا زۆرده‌ست و پێ ی یوسف به‌ناو باوک و شیرینی زردایکتی له‌زیندانا خستووه‌ .که‌چی له‌نیشتمانه‌که‌ی ئێمه‌دا ئێوه‌ی قوربانی ده‌ستی کۆمه‌لگاو  حزبن و هیچ شوێنێکیش نیه‌ په‌نای بۆ ببه‌ن .

 

که‌ده‌لێن ده‌سه‌لاتیش به‌رپرسه‌ ئاخر ئه‌م ده‌سه‌لاته‌ 16 ساله‌ هزری ته‌نیا له‌کۆکردنه‌وه‌ی دۆلارو شوقه‌ی زه‌که‌ریا و شاری خه‌ونه‌کان و کورسی به‌هێزکردنی ده‌سه‌لاتێتی ، چه‌ند   یاساتان بینیووه‌  بۆ خۆش گوزه‌رانی منالان  ، ژنان ،  پیرو په‌ککه‌وته‌ و هه‌ژاران ده‌ربچیت ، حزبیش له‌کۆلانه‌کانی وه‌ک ته‌یراوه‌ کاره‌کانی  ته‌نیا ‌ چاندنی دیواری ترس ، پیرۆزکردنی سه‌رۆک و داکۆکیکردنه‌ له‌به‌رپرسه‌ گه‌نده‌له‌کان، نه‌وه‌ک هوشیارکردنه‌وه‌ی کۆمه‌لگادا.