په‌یوه‌ندیپه‌رتووکخانه‌ئێمهلینکئه‌رشیفنووسه‌رانده‌سپێک

 

رەفتارێکى نوێى هەندێ رۆژنامەنوس.


ئیبراهیم بالیسانى


لەرابردودا بەئێستاشەوە بەشى هەرە زۆرى بلاوکراوەکان (مەبەستم رۆژنامەوگۆڤارەکان)ە بە حزبى وئەهلییەوە لاپەڕەیەک یا زیاتریان تەرخاندەکردوتەرخانیدەکەن بۆ کێشەوداواکانى هاوڵاتیان، ئەو هاوڵاتیانەى کە نوسەرنین یا لەبوارى رۆژنامەوانیەوە کارناکەن ،واتا مەبەستم ئەو هاوڵاتیانەیە کە هەندێ جار رووبەرووى کێشەیەکى ئابورى یا کۆمەلایەتى یا سیاسى یا ئیدارى دەبنەوە جا ئەو هاوڵاتیانە چونکە لەهەموو کاتێکدا ناتوانن لە دەرگاى بەرپرس ولێپرسراوەکانى حزب وحکومەت بدەن ! بۆیە پەنا بۆ بلاوکراوەکان دەبەن وسکاڵاکانیان لەرێگاى نامەى شەخسى یا داواکارى گروپ وگشتى دەنوسن وئاراستەى لێپرسراوەکان دەکەن ولەوبلاوکراوانەدا بلاویدەکەنەوە .تەنانەت لەهەندێ تەلەفزیۆن ورادیۆش بەرنامەى تایبەت بۆ ئەو داوایانەى هاوڵاتیان کراونەتەوەوهەن ،


بێگومان جاروبار هەندێ لە بەرپرسە بەویژدان ودڵسۆزەکان بەدواداچون لەسەر داوا بلاوکراوەکان دەکەن وئەنجامى ئەرێنى لێدەکەوێتەوە . بەڵام لەگەڵ ئەوەشدا ئەو لێپرسراوانەى کە چواردەورى خۆیان تەڵبەندکردوە بۆ ئەوەى دەنگ وروخسارى هاوڵاتى نەبینن ونەبیستن نەک هەر بەدواداچون لەسەر ئەو سکاڵایانە ناکەن بەلکو پەست ونیگەرانیش دەبن لە ناوەرۆکى داواکەوخودى کەسەکەوتەنانەت ئەو بلاوکراوەیەش کە داواکارییەکەى بلاوکردۆتەوە !!


گرنگیدانى کەناڵەکانى راگەیاندن بەهەرسێ لایەنیەوە (نوسین ،بینین، بیستن) بەو لایەنە جگە لە ئەرک وزۆرکردنى لایەنگریى ، لەهەمان کاتدا ئاماژەشە بۆ پەرۆشى وبەتەنگەوە چوونە بۆ چارەسەرکردنى کێشەى هاوڵاتیان بەگشتى . چونکە جاروبار بەرپرسى کەناڵ بەهۆى بلاوکردنەوەى نامەوداواوسکاڵاى هاوڵاتى رووبەرووى شکایەت ودادگا بۆتەوە !ئەگەر ئەوە لە پەرۆشى ودڵسۆزى وتێکشکاندنى دیوارى نێوان دەسەڵات وخەلک نەبێ بۆ گرنگى بەو لایەنە دەدەن وبلاویدەکەنەوە؟


ماوەیەکە تێبینى ئەوە دەکەم هەندێ لە رۆژنامەنوسان ونوسەرەکانمان بە چاولێکەرى وهەڵگرتنى شوێن پێى ئەو هاوڵاتیانەوە هەمان رێچکەورەفتاردەنوێنن ! واتا لەرێگاى نوسینەکانیانەوە لە دەرگاى ئەو لێپرسراوە دەدەن کە خۆیان مەبەستیانە وکارى تایبەتیان پێیەتى !ئەگەر ناوەرۆکى نوسین وبابەتەکانیان مەبەستێکى گشتى وهەمەلایەنەبێ زۆر ئاساییەوهەوڵەکان دەچنە خانەى پەرۆشى ودڵسۆزى وپابەندبونە بە ئیتیک وئەرکە بنچینەکە کە رۆژنامەوانى وپیشەى نوسین ودەسەڵاتى چوارەمە . بەڵام کاتێک هەوڵەکە چوە نێوچوغزوقاڵبى کەسى وتاکى ، واتا بەرژەوەندى خودیى زاڵکرا بە سەر بەرژەوەندى گشتى ئەوە نەک هەر ئاسایى نیە بەلکو دەرچون ولادانیشە لە بنەماورێساکانى کارى رۆژنامەوانیی وئەرکە پیرۆزەکە کە هەموو کەسێک ناتوانێ ئەو بوارە بگرێتە ئەستۆوپیشەى رۆژنامەنوسى بخاتە دواى ناوەکەى خۆیەوە .


ئەو رۆژنامەنوسانەى خوویان بەوجۆرە رەفتارەوە گرتوە چەند جۆرێکن وئامانجەکانیشیان لەیەکتریدا جیا بەڵام لەهەموو حاڵەتێکدا یەک مەبەستیان هەیە کە ئەویش مەبەستى تایبەت وشەخسییە!! هەیانە دەنوسێ بۆ ئەوەى دابمەزرێ بۆیە نوسینەکەى ئاراستەى ئەو بەرپرسە دەکا کە دەتوانێ دایبمەزرێنى، هەیانە دەیەوێ بناسرێ وخۆى لە وبەرپرسە نزیک بکاتەوە بۆیە بابەتەکەى شێوە ئاسایى نامەوداوا دەخاتەروو، هەیانە بۆ پارێزگاریکردنە لە شوێن وئیمتیازەکەى بۆیە ماستاوئاسا دەکەوێتە هۆنینەوەى وشەى بریقەداروریزکردنى رستەى بێماناوکرچوکاڵ ، هەشیانە رۆژنامەنوس ونوسەر هاندەدات تا بە ئیجابى وئەرێنى لەسەر ئەو بەرپرسە بنوسێ کە بەرژەوەندیەکانى لەگەڵ ئەودا گرێدراوە !


ئەگەر پێشتر هەندێ لە بەرپرسان گرنگیان دابێ بە سکاڵاوداواى هاوڵاتیان کە لە کەناڵەکانى راگەیاندن دەخرانە روو، ئەوا ئێستا لەبەر داوا تایبەتەکانى هەندێ لە رۆژنامەنوسەکانمان کە بەهەمان شێوەى داواى هاوڵاتیان دەخرێنە روو ئەو تواناو سەلیقەودڵسۆزیەیى جارانیان نەماوە!! ئەوەش لێدانە لەبەرژەوەندى خەلک وکەسى بێپشتیوان وغەدرلێکراو. کەواتە باشتر وایە ئەو جۆرە نوسەرورۆژنامەنوسانە تا زووە خۆیان دووربگرن لەو رەفتارەوچیتر پیشە پیرۆزەکەیان نەکەنە دەسکەلا بۆ بەدەست هێنانى بەرژەوەندى تایبەتى وخودى.

 


Info_balisani@yahoo.com