|
١٧\٩\٢٠٢٣
ره‌نگدانه‌وه‌ی
وتووێژی مەنسوور جیهانی له‌گه‌ڵ ته‌له‌ڤیزیۆنی "فڕانس ٢٤
به زمانه‌کانی
ئینگلیزی و چینی له ده‌زگایەکانی راگه‌یاندنی ئاسیا.
 وتووێژی
"مەنسوور جیهانی" پەیامنێری سەربەخۆ و نێودەوڵەتیی سینەما له‌گه‌ڵ
ته‌له‌ڤیزیۆنی "فڕانس ٢٤" سه‌باره‌ت به فێستیڤاڵی نێوده‌وڵه‌تیی فیلمی
"کان"ی فهرەنسا به زمانه‌کانی ئینگلیزی و چینی له ده‌زگایەکانی
ڕاگه‌یاندنی کیشوه‌ری ئاسیادا ڕه‌نگدانه‌وه‌ی هه‌بوو.
"مەنسوور جیهانی" پەیامنێری سەربەخۆ و نێودەوڵەتیی سینەما له وتووێژ
له‌گه‌ڵ ته‌له‌ڤیزیۆنی "فڕانس ٢٤" فهرەنسا گوتی: فێستیڤاڵی
نێوده‌وڵه‌تیی فیلمی "کان" له وڵاتی فهرەنسا به ناونیشانی گرینگترین
رووداوی سینه‌مای جیهان هه‌میشه گرینگییه‌کی تایبه‌تی به سینه‌مای
کوردستان و ئێران داوه و پێگه‌یه‌کی تایبه‌تی بۆ ته‌رخان کردوون.
به‌رچاوترین سینه‌ماکاری ئێرانی ڕه‌وانشاد "عه‌باس کیارۆسته‌می" به
فیلمی سینه‌مایی "تامی گێلاس" به وه‌رگرتنی خه‌ڵاتی به‌نرخی چڵه‌خورمای
زێڕین و ده‌رهێنه‌ری ناوداری کورد"به‌همه‌ن قوبادی" به فیلمی سینه‌مایی
"کاتێک بۆ مه‌ستی ئه‌سپه‌کان" و به وه‌رگرتنی خه‌ڵاتی کامێڕای زێڕین و
سینه‌ماکارانی به‌ناوبانگی ئێرانی له‌وانه؛ "ئه‌سغه‌ر فه‌رهادی"،
"جه‌عفه‌ر په‌ناهی"، "محه‌مه‌د ڕه‌سووڵ ئۆف" و ... دوای به‌شداری له
فێستیڤاڵی نێوده‌وڵه‌تی فیلمی "کان"ی فه‌ڕه‌نسا و وه‌رگرتنی خه‌ڵاتی
به‌شه جۆراوجۆره پێشبڕکییه‌کان به سینەمای جیهان ناسێندران.
جیهانی له درێژه‌ی قسه‌کانیدا گوتی: هه‌موو ساڵیک، نوێترین به‌رهه‌می
سینه‌ماکارانی به‌رچاوی ئێرانی بۆ به‌شداری له فێستیڤاڵی نێوده‌وڵه‌تیی
فیلمی "کان" ڕه‌وانه ده‌کرێن و بۆ یه‌که‌مین جار، هۆگران و لایه‌نگرانی
هونه‌ری سینه‌ما، ڕۆژنامه‌نووسان، ڕخنه‌گران، نووسه‌ران و به گشتیی
ستافی سینه‌مای جیهان له میانه‌ی ئه‌م ڕووداوه گرینگه سینه‌ماییه‌دا
سه‌یری ئه‌م به‌رهه‌مانه ده‌که‌ن و له لایه‌ن ئه‌ندامانی لێژنه‌ی
دادوه‌رانی به‌شه جۆراوجۆره‌کانه‌وه هه‌ڵده‌سه‌نگێندرێن و به وردی و به
جوانی دادوه‌ری ده‌کرێن.
"مەنسوور جیهانی" له کۆتایی ئه‌م چاوپێکه‌وتنه‌دا جه‌ختی کرده‌وه:
فێستیڤاڵی نێوده‌وڵه‌تیی فیلمی "کان"ی فەره‌نسا، یه‌که‌مین په‌نجه‌ره‌ی
گرینگی سینه‌مایی له جیهاندایه که به‌ره‌وڕووی سینه‌مای کوردستان و
ئێران ده‌کرێته‌وه و ئه‌م هاوکارییه گرینگ و پڕبایخه؛ وه‌کو خوله‌کانی
ڕابردوو، له خوله‌کانی داهاتووشدا درێژه‌ی ده‌بێ.
وێنه: عەتا تاهیر کەنارە
ئاژانسی هه‌واڵی "فڕانس پڕێس"
ئاژانسی فۆتۆی "گێتی ئیمه‌یجز"
بۆ زانیاریی پتر:
https://awnchina.cn/mansour-jahani-prominent-iranian-filmmakers-introduced-to-world-through-cannes-international-film-festival
https://awnchina.cn/通过戛纳国际电影节向世界介绍杰出的伊朗电影人
https://awnchina.cn/曼蘇爾•賈哈尼通過戛納國際電影節向世界介紹傑
ماڵپه‌ڕی مه‌نسوور جیهانی
|
