په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک

١١\١\٢٠١٤

رۆجەر وۆتێرز*:

فیلمەکانی بەهمەن قوبادی زۆر جوانن و بینەر رادەچڵەکێنن.

مەنسوور جیهانی


گۆرانیبێژ و ئاوازدانەری بەریتانی رۆجەر وۆتێرز، لە وتووێژێکی تایبەتدا لەگەڵ تەلەڤیزیۆنی بی بی سی ڕایگەیاند: فیلمەکانی بەهمەن قوبادی زۆر جوانن و یەگجار زۆر بینەر ڕادەچڵەکێنن.


شاعیر، گۆرانیبێژ و ئاوازدانەری ناوداری بەریتانی و ئەندامی سەرەکی گرووپی موزیکی "پینک فلۆید" جۆرج ررۆجەر وۆتێرز لە وتووێژێکی تایبەتدا لەگەڵ تەلەڤیزیۆنی بی بی سی ڕایگەیاند: سینەما دەزگایەکی ڕاگەیاندنی زۆر بەهێزە و من یەکێکم لە لایەنگرانی بەرهەمەکانی فیلمسازی ئێرانی بەهمەن قوبادی. "کاتێک بۆ مەستی ئەسپەکان" و "کیسەڵەکانیش دەتوانن بفڕن" ... ئەم فیلمانە لە ئەمەریکا دەیانناسنن و فیلم گەلێکی زۆر جوانن و یەگجار زۆر بینەر ڕادەچڵەکێنن و لەڕاستیدا هەر ئەو شتە باس دەکەن کە من سەبارەت بە "لەقە لێدانی چەکمەکان لە دەرگا" باسی دەکەم و ئەوەی کە ئەم باروودۆخە تا چ ڕادەیەک ناخۆش و هەست بزوێن و نامرۆڤانەیە.


گوتیشی: هەر کەس تا ئەو جێگایەی کە بۆی دەگونجێت دەبێت هەوڵبدات ئەم باروودۆخە بگۆڕێت و هەرچی زیاتر لەسەر مرۆڤەکان لە دنیادا کاریگەری ئەوتۆ دابنێت. قوبادی ئەم کارە دەکات بە بێ ئەوەی کە کەسێک تاوانبار بکات، چونکە چیرۆکەکانی لەوپەڕی ئاساییدا کاریگەرن و پنچکی قووڵیان لەو کەلتوورەدا هەیە کە ئەو بە باشی لێی دەگات.


وۆتێرز ئەوەیشی ئاشکرا کرد: بەهمەن قوبادی لە هونەر و پسپۆڕیەکەی وەکوو فیلمسازێکی گەورە کەڵک وەردەگرێت تا ژیان بۆ ئێمە بە شێوەیەک بگێڕێتەوە و ئێمە لە جاران زیاتر مرۆڤتر بکات.


بەهمەن قوبادی بەنیازە بانگهێشتی رۆجەر وۆتێرز بکات تاکوو سەردانی هەرێمی کوردستان بکات و هاوکات لەگەڵیاندا قسە بکات بۆ پڕۆژەکانی داهاتووی و هاوکاری و دروستکردنی کلیپ لەگەڵ ئەم گۆرانیبێژ و ئاوازدانەرە بەریتانییە.
__________________________

* رۆجەر وۆتێرز، گۆرانیبێژی ناوداری بەریتانیا.

 

ماڵپه‌ڕی مه‌نسوور جیهانی

 

 

 

 

په‌یوه‌ندیپه‌رتووکخانه‌رۆشنبیرییلینکئه‌رشیفنووسه‌رانده‌سپێک